पाचोरा
शहरातील एका कन्स्ट्रक्शन साईडवर काम करणारा एक प्लबींग कारागीराचा पाचव्या मजल्यावर काम करत असताना तोल जाणुन दुर्दैवी मृत्यू झाल्याची घटना घडली आहे. घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे.
पाचोरा शहरातील वृंदावन पार्क येथे अमोल जैन यांचे पाच मजली घराचे काम सुरू आहे. याठिकाणी अजीमोद्दीन शेख रहिमोद्दीन शेख (वय – ४४वर्ष) रा. गंजीवाडा, भडगाव हे पाचव्या मजल्यावर प्लम्बींग काम करत असतांना ९ एप्रिल रोजी दुपारच्या सुमारास अजीमोद्दीन शेख यांचा तोल जावुन ते थेट खाली पडल्याने त्यांचा जागीच मृत्यू झाला.
घटनेची माहिती मिळताच पाचोरा पोलिस स्टेशनचे कर्मचारी घटनास्थळी दाखल होवुन घटनास्थळाचा पंचनामा करुन मृतदेह ग्रामीण रुग्णालयात दाखल केला. घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली असून घटनेचा पुढील तपास पो. नि. राहुलकुमार पवार यांच्या मार्गदर्शनाखाली पोलिस करत आहेत.
