पारोळा, लोकशाही न्युज नेटवर्क
विचखेडे गावाजवळ धुळ्याकडे जाणाऱ्या स्विफ्ट कारच्या चालकाचा ताबा सुटल्याने कार रस्त्याच्या कडेला सुमारे पाचशे फूट फेकली जाऊन चार वेळी उलटली. त्यात कारमधील दाेघांचा मृत्यू झाला. तर दाेन जण गंभीर जखमी झाल्याची घटना गुरुवारी सायंकाळी पाच वाजता घडली.
राहुल भाऊसाहेब अहिरे (वय २८) व नीलेश सुरेश पाटील (वय २३) रा.तरवाडे जि. धुळे अशी मयतांची नावे आहेत.
पारोळ्याकडून धुळ्याकडे जाणारी स्विफ्ट कारमध्ये नीलेश पाटील, गोविंद भास्कर राठोड (वय २४) रा. तरवाडे ,राहुल अहिरे हे तिघे व महेश आत्माराम पाटील (वय २१) रा. मोंढाळे प्र. अ. ता.पारोळा हे धुळ्याकडे भरधाव वेगाने जात हाेते. पारोळा शहरानजीक असलेल्याविचखेडा गावाच्या अलीकडे कार चालकाचा ताबा सुटला. त्यामुळे कार रोडच्या कडेला चार वेळा उलटून पाचशे फुटांवर फेकली गेली. यात राहुल पाटील याचा जागीच मृत्यू झाला. तर नीलेश पाटील याला उपचारासाठी धुळे येथे नेत असताना रस्त्यातच त्याचा मृत्यू झाला.
तर महेश देवरे व गोविंदा वंजारी हे गंभीररीत्या जखमी झाले. पारोळा कुटीर रुग्णालयात दाखल करण्यात आले. यातील गोविंदाराठाेड यांनाही धुळे येथे हलवण्यात आले आहे. रात्री उशिरापर्यंत गुन्हा दाखलकरण्याचे काम सुरू होते, अशी माहिती देण्यात आली.
