लोकशाही न्यूज नेटवर्क
एनसीपी म्हणजे नॅशनल सेंटर ऑफ परफॉर्मिंग आर्ट हे सेंटर जगभरात विख्यात आहे. मुंबईमधील नरिमन पॉईंटच्या समोर मरीन ड्राईव्हला असलेले अत्यंत देखणे सेंटर आहे. या संस्थेच्यावतीने दरवर्षी मराठीतील सर्वोत्कृष्ट कलाकृती “प्रतिबिंब” या महोत्सवात निवडल्या जातात. “प्रतिबिंब २०२६” महोत्सवात परिवर्तन जळगाव निर्मित बहिणाबाईंच्या गाणी व कविता आणि जीवन याचा शोध घेणारा कार्यक्रम “अरे संसार संसार” ची निवड करण्यात आलेली आहे.
एन. सी. पी. ए. चा प्रतिबिंब महोत्सव हा अत्यंत सन्मानाचा महोत्सव आहे. या महोत्सवात परिवर्तनची निवड होणे ही खानदेशसाठी अत्यंत आनंदाची गोष्ट आहे. यापूर्वी खानदेशामधून कधीही एनसीपीसाठी कोणत्याही कलाप्रकाराची निवड झालेली नाही. हा सन्मान पहिल्यांदा खानदेशला मिळालेला आहे, याचा खूप आनंद आहे. अशी भावना परिवर्तन परिवारामधून आलेली आहे.
या कार्यक्रमाची संकल्पना विजय जैन यांची असून दिग्दर्शक नारायण बाविस्कर आहेत. संगीत नियोजक सुदीप्ता सरकार व मंजुषा भिडे आहेत. या कार्यक्रमाचे सूत्रधार हर्षल पाटील आहेत. या कार्यक्रमात गोविंद मोकाशी, श्रद्धा पुराणीक कुलकर्णी, अंजली धुमाळ, सोनाली पाटील, मंजुषा भिडे, जयश्री पाटील, भूषण गुरव, रोहित बोरसे, सुनीला भोलाणे, समृद्धी पाटील, यश महाजन, शुभार्थी कुलकर्णी, अक्षय नेहे, हर्षल पाटील हे कलावंत आहेत. शंभू पाटील हे या कार्यक्रमाचे निवेदन करतात. निर्मिती प्रमुख विनोद पाटील व मंगेश कुलकर्णी आहेत. राहुल निंबाळकर यांचे तांत्रिक सहाय्य या कार्यक्रमाला लाभले आहे.
परिवर्तनच्या या यशाबद्दल जैन उद्योग समूहाचे अशोक भाऊ जैन, अनिल कांकरिया, अनिश शहा, नंदलाल गादिया, किरण बच्छाव, अमर कुकरेजा, छबीराज राणे, नंदकुमार अडवाणी, डॉ. रेखा महाजन, मानसी गगडाणी, पारस राका, डॉ. सोनाली महाजन यांनी अभिनंदन केले आहे.
