लोकशाही न्यूज नेटवर्क
भारत-पाकिस्तानमध्ये तणाव सुरू आहे. पाकिस्तानच्या नापाक कारवायांना भारत अगदी चोखपणे उत्तर देत आहे. त्यातच आता पाकिस्तानवर निसर्गाही कोपला आहे. पाकिस्तानमध्ये शनिवारी (दि.९) रात्री उशिरा अचानक भूकंपाचे धक्के जाणवले. रिश्टर स्केलवर भूकंपाची तीव्रता ४ इतकी नोंदवली जात आहे. एजन्सीकडून मिळालेल्या माहितीनुसार, राष्ट्रीय भूकंप विज्ञान केंद्राने म्हटले आहे की भूकंप रात्री उशिरा १:४४ वाजता झाला.
https://x.com/ANI/status/1920940714482925819
भारत- पाकिस्तान दरम्यान युद्धजन्य परिस्थिती सुरू असून यादरम्यान शनिवारी मध्यरात्री पाकिस्तानच्या बलुचिस्तान प्रांतातील क्वेट्टा शहराजवळ भूकंपाचे धक्के जाणवल्याची माहिती समोर आली आहे. या भूकंपाची तीव्रता रिश्टर स्केलवर ४.० इतकी असून भूकंपाचे धक्के जाणवल्यानंतर तेथील लोक घाबरून घराबाहेर पडले. यामध्ये कोणतीही जीवीतहानी अथवा वित्तहानी झाली नाही.
