पाचोरा, लोकशाही न्युज नेटवर्क
जळगाव जिल्हयामध्ये तसेच पाचोरा शहरात विविध ठिकाणी मोटारसायकल चोरी करणारे चोरटे सक्रीय असुन जिल्हा व पाचोरा शहरात चोरीचे गुन्हे उघड करुन आरोपींचा शोध घेवुन कारवाई करणेबाबत पोलीस अधिक्षक श्रीकांत धिवरे यांनी पाचोर पोलिस स्टेशनचे पो. नि. राहुलकुमार पवार यांना सुचना दिल्या होत्या.
२७ जुलै रोजी पाचोरा पोलीस ठाण्याच्या पथकाने वाहन चोरीच्या गुन्हयाचा यशस्वी तपास करत चार मोटार सायकल चोरी करणा-या एका आरोपीस अटक केली आहे. आरोपीकडुन चोरी गेलेल्या चार मोटार सायकल जप्त करण्यात आल्या असुन त्यांची एकुण किंमत अंदाजे १ लाख २० हजार रुपये इतकी आहे.
वाहन चोरीच्या गुन्हयाचा तपास सुरु असतांना पाचोरा पोलीसांना मिळालेल्या गोपनीय माहीतीच्या आधारे आरोपी पाचोरा ते जळगाव महामार्गावरील खेडगाव (नंदीचे) येथे शेतात शेडमध्ये लपुन राहत असल्याचे माहीती मिळताच पाचोरा पोलीस स्टेशन पथकाने सापळा रचत आरोपी अमोल राजेंद्र ढमाळे (वय – २७) रा. खेडगाव (नंदीचे) ता. पाचोरा ह. मु. काळेनगर, जळगाव यास ताब्यात घेतले असता त्याने ४ मोटार सायकल चोरी केल्याची कबुली दिली त्यानुसार त्याच्या ताब्यातुन ४ मोटार सायकल जप्त करण्यात आल्या आहेत.
यातील आरोपी बजाज प्लॅटीना मॉडेल कंपनीच्या मोटार सायकल मास्टर चाबी च्या सहाय्याने चोरी करत होता. जप्त केलेल्या मोटार सायकल चोरी झाल्याबाबत खालीलप्रमाणे पाचोरा, भडगाव, एमआयडी वाळुंज (छ.संभाजीनगर) पोलीस स्टेशन येथे गुन्हे दाखल आहेत.
सदर कारवाई पोलीस अधिक्षक श्रीकांत धिवरे, अप्पर पोलीस अधिक्षक अशोक नखाते, उपविभागीय पोलीस अधिकारी बापु रोहम यांच्या मार्गदर्शनाखाली पोलीस निरीक्षक राहुलकुमार पवार, सहाय्यक पोलिस निरीक्षक प्रदिप शेवाळे, पो. उप. नि. कृष्णा घायाळ, पो. हे.कॉ. विलास पाटील, पो. हे. कॉ. श्रीकांत गायकवाड, पो. हे. कॉ. उमेश पाटील, पो. कॉ. योगेश पाटील पो. कॉ. संदीप पाटील, पो. कॉ. हरीश परदेशी यांनी केली आहे.
