जळगाव : महापालिकेच्या कर्मचाऱ्यांची बायोमॅट्रीक हजेरीसाठी नवीन ३६ मशिन खरेदी केल्या जाणार असून यापुढे सर्व कर्मचाऱ्यांचे पगार हे बायोमॅट्रीक हजेरीद्वारेच होणार आहेत.
महापालिकेच्या कर्मचाऱ्यांना सप्टेंबर महिन्यापासून बायोमॅट्रीक हजेरी लागू करण्यात आली आहे. परंतु बायोमॅट्रीक मशिनची संख्या कमी प्रमाणात असल्यामुळे काही तांत्रिक अडचणी निर्माण झाल्या आहेत. त्यामुळे कर्मचाऱ्यांचा सप्टेंबर महिन्याचा पगार अद्यापही झालेला नाही, काही कर्मचाऱ्यांची बायोमॅट्रीक मशिन मध्ये नोंदणी नसल्यामुळे त्यांच्या हजेरी लागू शकलेल्या नाहीत तर, काही कर्मचाऱ्यांचे थंम्ब मशिन मध्ये रेकॉड झालेले नाहीत, तसेच रेकॉर्ड झालेल्या हजेरींची पडताळणी करण्यासाठी आस्थापणा
विभागात पाठविण्यात आल्या आहेत. त्यामुळे कर्मचाऱ्यांचे वेतन ऑक्टोंबरच्या तिसऱ्या आठवड्यात होणार आहे. दांडी बहाद्दरांना बसणार चाप म्हणून या अडचणी टाळण्यासाठी महापालिकेकडून ५० बायोमॅट्रीक मशिनची खरेदी करण्यात येणार आहे. त्यामध्ये पहिल्या टप्प्यात ३६ मशिन खरेदी केले जाणार आहेत.
सध्या महापालिकेच्या कर्मचाऱ्यांची संख्या लक्षात घेता बायोमॅट्रीक मशिन अपुर्ण पडत आहेत. म्हणून नवीन बायोमॅट्रीक मशिन खरेदी करण्यात येणार आहेत. या मशिन मध्ये एखाद्या कर्मचाऱ्याचा थम्ब घेतला जात नसेल तर, चेहरा देखील स्कॅन करण्याची व्यवस्था आहे. तसेच नेट चालत नसेल तर, मोबाईचा हॉटस्पॉटवर देखील हे मशिन चालू शकेल व विज पुरवठा खंडीत झाला असल्यावर देखील मशिन चालू राहील.
महापालिकेच्या आयुक्तांनी काही युनिट कार्यालयांमध्ये भेट दिल्या असता त्यावेळी काही दांडी बहाद्दर आढळून आले होते. त्यानंतर नगरसेवक चेतन सनकत यांनी आरोग्य विभागातील दांडीबहाद्दरांचा पराक्रम समोर आणला होता. तसेच सहाय्यक आयुक्त अश्विनी भोसले यांनी देखील नुकता काही दांडीबहाद्दरांचा भंडाफोड केला असून त्यांच्यावर कारवाईचा प्रस्ताव आयुक्तांकडे पाठविला आहे. म्हणून अशा प्रकारांना आळा घालण्यासाठी व महापालिकेचा पगार घेवून काम न करणाऱ्या कर्मचाऱ्यांवर नियंत्रण ठेवण्यासाठी उपायुक्त अविनाश गांगोडे यांनी बायोमॅट्रीक हजेरी सुरु केली आहे.
