लोकशाही नोकरी संदर्भ
सरकारी नोकरीच्या शोधात असणाऱ्या तरुणांसाठी सुवर्णसंधी आहे. नवी मुंबई महानगरपालिकेत (NMMC) बंपर भरती निघाली आहे. नवी मुंबई महानगरपालिकेच्या आस्थापनावरील गट आणि गट ड मधील विविध संवर्गातील पदे भरती केली जाणार आहे. या नोकरीसाठी उमेदवारांकडून ऑनलाइन पद्धतीने अर्ज मागवले आहेत.
नवी मुंबई महानगरपालिकेने या भरतीसंदर्भात जाहिरात प्रसिद्ध केली आहे. यामध्ये प्रशासकीय, अभियांज्ञिकी, तांत्रिक, वित्त, सार्वजनिक आरोग्य अशा अनेक विभागांमध्ये भरती करण्यात आली आहे. गट क आणि गट ड मधील ही भरती ६२० पदांसाठी आहे. या नोकरीसाठी तुम्ही २८ मार्चपासून अर्ज करु शकतात. या नोकरीसाठी अर्ज करण्याची शेवटची तारीख ११ मे २०२५ आहे. इच्छुक उमेदवारांनी http://www.nmmc.gov.in या वेबसाइटवर जाऊन अर्ज करावेत.
पदे आणि पगार
बायोमेडिकल इंजिनियर पदासाठी ४१८०० ते १३२३०० रुपये पगार मिळणार आहे. ज्युनिअर सिविल इंजिनियर, ज्युनियर बायोमेडिकल इंजिनियर, उद्यान अक्षिक्षक, माहिती व जनसंपर्क अधिकारी, वैद्यकीय समाजसेवक या पदांसाठी ३८६००-१२८०० रुपये पगार मिळणार आहे. डेंटल हायजिनिस्ट पदासाठी ३५४०० ते ११२४०० रुपये पगार मिळणार आहे.
स्टाफ नर्स, डायलिसिस तंत्रज्ञ, सांख्यिकी सहाय्यक, इसीजी तज्ञ, सी.एस.एस.डी तंत्रज्ञ, आहार तंत्रज्ञ या पदासाठी ५४०० ते ११२४०० पगार मिळणार आहे. नेत्र चिकीत्सक सहाय्यक पदासाठी ३५४०० ते ११२४०० रुपये पगार मिळणार आहे. आरोग्य सहाय्यक महिला, औषध निर्माण अधिकारी या पदांसाठी २९२००-९२३०० रुपये पगार मिळणार आहे. याचसोबत उद्यान सहाय्यक, लेखा लिपिक, शवविच्छेदन मदतनीस अशा अनेक पदांसाठी ही भरती होणार आहे.
या नोकरीसाठी उमेदवारांची निवड परीक्षेच्या आधारे केली जाणार आहे. अर्ज करताना सामान्य प्रवर्गातील उमेदवारांना १००० रुपये शुल्क भरायचे आहे. तर राखीव प्रवर्गातील उमेदवारांना ९०० रुपये शुल्क भरायचे आहेत.
