मुक्ताईनगर, लोकशाही न्यूज नेटवर्क
मुक्ताईनगर तालुक्यातील बेलसवाडी येथे गोवंशाच्या वासरा एका विशिष्ट धर्माच्या अल्पवयीन मुलाने अनैसर्गिक कृत्य केल्याची संतापजनक घटना घडली. या प्रकाराने हिंदू धर्मीयांच्या भावना दुखावल्याने या घटनेच्या निषेधार्थ मुक्ताईनगर सकल हिंदू समाज बांधवांकडून पुकारलेल्या बंदला शंभर टक्के प्रतिसाद मिळाला.
या घटनेच्या निषेधार्थ अत्याआवश्यक सेवेची दुकाने वगळता सर्व व्यापाऱ्यांनी आपापले दुकाने बंद करून बंदला प्रतिसाद दिला. मुक्ताईनगर तालुक्यातील बेलवाडी येथे गोठ्यात बांधलेल्या गोवंशाच्या वासरावर 15 मार्च रोजी अनैसर्गिक कृत्या केल्याची संतापजनक घटना घडली. या घटनेने परिसरासह सर्वत्र मोठी खळबळ उडाली असून या घटनेचा सर्व स्तरातून निषेध व्यक्त केला जात आहे.
याप्रकरणी मुक्ताईनगर पोलीस ठाण्यात आरोपी विरोधात गुन्हा दाखल करण्यात आला असून त्याला अटक करण्यात आली आहे. दरम्यान या संतापजनक व निंदनीय घटनेच्या निषेधार्थ सकल हिंदुत्ववादी संघटनांनी 15 मार्च शनिवार रोजी मुक्ताईनगर तालुका बंदचे आव्हान केले होते. सदर आव्हानाला प्रतिसाद देत मुक्ताईनगर शहर व तालुक्यातील व्यापारी दुकानदार व्यवसायिक व समस्त नागरिकांनी आज शांततेत शंभर टक्के बंद ठेवून प्रतिसाद दिला. दरम्यान आरोपीवर कडक कारवाई करण्यात यावी अशी मागणी केली.
