मुक्ताईनगर, लोकशाही न्यूज नेटवर्क
कांद्याची रोप आणण्यास गेलेल्या दाम्पत्याच्या दुचाकीला अज्ञात भरधाव वाहनाने जबर धडक दिली. या अपघातात रुईखेडा तालुका मुक्ताईनगर येथील मोटरसायकलवर असलेल्या दाम्पत्याचा मृत्यू झाल्याची घटना राष्ट्रीय महामार्गावर शनिवारी सायंकाळी रणथम फाट्यानजिक घडली.
मिळालेल्या माहितीनुसार, मुक्ताईनगर तालुक्यातील रूईखेड येथील निना ज्ञानदेव नारखेडे (वय ६५) आणि सुनीता निना नारखेडे (वय ५९) हे पुर्णाकाठावरील दूधलगाव येथे भावाकडे कांद्याचे रोप घेण्यासाठी गेले होते. परतीच्या मार्गाने रूईखेड येथे घराकडे जाताना रणथम फाट्यानजीक त्यांच्या दुचकीला अज्ञात वाहनाने जोरदार धडक दिली. या अपघातात दाम्पत्याचा मृत्यू झाल्या आहे.