चंद्रपूर, लोकशाही न्यूज नेटवर्क
महाराष्ट्र दिनाच्या औचित्याने महाराष्ट्र नवनिर्माण सेना तालुका सिंदेवाहीच्या वतीने मानवतेचा संदेश देणारा एक प्रभावी सामाजिक उपक्रम राबविण्यात आला. ग्रामीण रुग्णालय सिंदेवाही येथे उपचार घेत असलेल्या रुग्णांना फळे व बिस्किटांचे वाटप करून त्यांना दिलासा देण्यात आला. या उपक्रमामुळे रुग्णांच्या चेहऱ्यावर समाधानाचे हास्य फुलले आणि वातावरणात सकारात्मकतेची भावना निर्माण झाली.
या सामाजिक उपक्रमाचे अध्यक्षस्थान मनसे तालुका अध्यक्ष प्रफुल चद्रगीरीवार यांनी भूषविले. त्यांच्या नेतृत्वाखाली हा उपक्रम अत्यंत शिस्तबद्ध व उत्साहपूर्ण वातावरणात पार पडला. यावेळी महाराष्ट्र राज्य पत्रकार संघ मुंबई तालुका शाखा सिंदेवाहीचे अध्यक्ष वहाब अली सैय्यद, सामाजिक कार्यकर्ते नोमान कुरेशी, कुणाल पेशेट्टीवार तसेच अमर साळवे यांची प्रमुख उपस्थिती लाभली.
प्रसंगी उपस्थित मान्यवरांनी रुग्णांशी संवाद साधत त्यांची विचारपूस केली व मानसिक आधार देण्याचा प्रयत्न केला. “महाराष्ट्र दिन हा केवळ उत्सव नसून समाजसेवेची जाणीव जागवण्याचा दिवस आहे. अशा सामाजिक उपक्रमांद्वारे गरजूंपर्यंत पोहोचणे हेच खरे महाराष्ट्र दिनाचे सार्थक,” असे मत यावेळी व्यक्त करण्यात आले.
या उपक्रमाच्या यशस्वीतेसाठी सुभम कामनवार, अमोल गुज्जेवार, सागर बोम्मावार, चित्रा चद्रगीरीवार, श्रीकांत बोम्मावार यांच्यासह मनसे तालुका सिंदेवाहीचे सर्व पदाधिकारी व कार्यकर्त्यांनी अथक परिश्रम घेतले. त्यांच्या समन्वयामुळे हा उपक्रम सुरळीत व यशस्वीरीत्या पार पडला. तसेच सिंदेवाही परिसरात या उपक्रमाचे सर्वत्र कौतुक होत असून, समाजातील विविध घटकांकडून मनसेच्या या उपक्रमाचे स्वागत करण्यात येत आहे. अशा प्रकारचे उपक्रम समाजात सकारात्मक ऊर्जा निर्माण करतात आणि सामाजिक एकोपा अधिक दृढ करतात, अशी भावना नागरिकांनी व्यक्त केली. सामाजिक बांधिलकी जपत मनसेने दिलेला हा मानवतेचा संदेश निश्चितच प्रेरणादायी ठरत आहे.
