मुंबई, लोकशाही न्यूज नेटवर्क
मराठी सिनेविश्वातुन मोठी बातमी समोर आलीय. अनेक मालिका, सिनेमे, नाटकांमध्ये दमदार भूमिका जबावणाऱ्या ज्येष्ठ अभिनेत्री प्रेमा साखरदांडे यांचं वयाच्या 94 व्या वर्षी निधन झालं आहे.
प्रेमा साखरदांडे यांनी माहीन येथील राहत्या घरी अखेरचा श्वास घेतला. गुरुवारी रात्री १०च्या सुमारास वृद्धापकाळानं निधन झाल्याची माहिती आहे. रात्री उशिरा दादरच्या शिवाजी पार्क स्मशानभूमीत प्रेमा यांच्या पार्थिवावर अंत्यसंस्कार करण्यात आल्याची माहिती मिळत आहे.
प्रेमा साखरदांडे यांच्या पश्चात त्यांच्या कन्या आहेत. हिज मास्टर्स व्हॉइस या ध्वनिमुद्रिका बनविणाऱ्या कंपनीत ध्वनिमुद्रक असलेल्या वसंतराव कामेरकर यांच्या प्रेमा साखरदांडे कन्या होत्या. त्यांना 10 भावंडे होती.
‘शालेय रंगभूमी’ हे पुस्तर त्यांनी लिहिलं आहे. तर, रंगभूमीवर त्यांना प्रेमाताई या नावाने ओळखलं जायचं. त्यांच्या कामाबद्दल सांगायचं झालं तर, ‘स्पेशल 26’, ‘द इम्पॉसिबल मर्डर’ ‘मनन’, ‘माझे मन तुझे झाले’, ‘सावित्री बनो’ यांसारख्या अनेक सिनेमांमध्ये मुख्य भूमिका बजावत चाहत्यांचं मनोरंजन केलं.
