लोकशाही न्यूज नेटवर्क
औरंगाबाद: प्रेयसी त्रास देत असल्याने ३३ वर्षीय तरुणाने प्रेयसीच्याच घरी गळफास घेत जीवन संपवले. सोयगाव तालुक्यातील पळसखेडा गावात हा प्रकार घडला. याप्रकरणी प्रेयसी विरोधात पोलिसात गुन्हा दाखल करण्यात आला आहे. भीमराव प्रकाश बोराडे (रा.पळसखेडा, ता. सोयगाव) असे आत्महत्या केलेल्या प्रियकरच आहे.
भीमराव हा स्कूलव्हॅन चालक होता. तो विवाहित असून त्याला तीन अपत्ये आहेत. त्याचे गावातीलच सोनाली (नाव बदललेले) सोबत गेल्या अनेक वर्षांपासून प्रेम संबंध होते. सोनालीदेखील विवाहित असून तिला दोन अपत्ये आहेत. सोनालीचा पती मजूर असून तो मजुरीसाठी नेहमीच जिल्हा व राज्याबाहेर जात असे. गेल्या अनेक वर्षांपासून दोघांत प्रेमसंबंध होते.
सोनाली भीमरावला त्रास देत होती असे फिर्यादित नमूद आहे. सोनालीच्या त्रासाला कंटाळून भीमरावने सोनालीच्या घरातच गळफास घेत आत्महत्या केली. घटनेची माहिती ग्रामस्थांनी पोलिसांना दिली. पोलिसांनी घटनास्थळ गाठून भीमरावला खाली उतरवत रुग्णालायत दाखल केले. मात्र तोपर्यंत बराच उशीर झाला होता. डॉक्टरांनी त्याला मृत घोषित केले.या प्रकरणी आज संध्याकाळी प्रकाश शंकर बोराडे यांच्या फिर्यादीवरून सोनाली विरोधात पोलीस ठाण्यात गुन्हा दाखल करण्यात आला आहे. प्रकरणाचा पुढील तपास पोलीस करत आहेत.
