लोकशाही न्यूज नेटवर्क
काल राज्यात पालकमंत्रीपदाची यादी जाहीर करण्यात आली. यात जळगाव जिल्हाच्या पालकमंत्रीपदी पुन्हा राज्याचे पाणीपुरवठा व स्वच्छता मंत्री नामदार गुलाबराव पाटील यांना नियुक्त करण्यात आलेली आहे. यामुळे आता पाच वर्षांपेक्षा पुढील कालावधीत देखील गुलाबराव पाटील यांच्याकडेच जळगाव जिल्ह्याची धुरा असेल हे आता स्पष्ट झालेले आहे. दरम्यान जिल्ह्यातील मातब्बर नेते तथा भारतीय जनता पक्षाचे ज्येष्ठ मंत्री गिरीश महाजन यांच्याकडे नाशिक जिल्ह्याची महत्त्वाची धुरा सोपवण्यात आलेली आहे. तर ना. संजय सावकारे यांच्याकडे भंडारा जिल्ह्याची धुरा सोपवण्यात आली आहे.
ना. गुलाबराव पाटील यांनी गेल्या पंचवार्षिकमध्ये पालकमंत्री पद भूषवले होते. आता या मंत्रिमंडळात त्यांना आधीचेच पाणी पुरवठा व स्वछता हे खाते मिळाले असून सोबत जळगावचेच पालकमंत्री पद मिळायची बाब लक्षणीय मानली जात आहे.
दरम्यान बीड जिल्ह्याच्या पालकमंत्रीपदासाठी धनंजय मुंडे यांचा पत्ता कट झाल्याचे पाहायला मिळाले. मात्र बीडचं पालकमंत्रीपद हे राष्ट्रवादीकडेच राहिलं असून, बीडचे नवे पालकमंत्री हे आता अजित पवार असणार आहेत. बीड सोबतच अजित पवार यांच्याकडे पुण्याचं देखील पालकमंत्रीपद असणार आहे. यासह मुख्यमंत्री देवेंद्र फडणवीस हे गडचिरोलीचे पालकमंत्री असणार आहेत. तर उपमुख्यमंत्री एकनाथ शिंदे यांच्याकडे मुंबई शहर आणि ठाण्याचं पालकमंत्रीपद देण्यात आलं आहे.
या राज्याचे हे पालकमंत्री..
- गडचिरोली – देवेंद्र फडणवीस, सहपालकमंत्रीआशिष जयस्वाल
- नागपूर – चंद्रशेखर बावनकुळे
- अमरावती- चंद्रशेखर बावनकुळे
- ठाणे – एकनाथ शिंदे
- मुंबई शहर- एकनाथ शिंदे
- पुणे – अजित पवार
- बीड – अजित पवार
- सिंधुदुर्ग- नितेश राणे
- अमरावती – चंद्रशेखर बावनकुळे
- अहिल्यानगर – राधाकृष्ण विखे पाटील
- वाशिम – हसन मुश्रीफ
- सांगली – चंद्रकांत पाटील
- सातारा -शंभुराजे देसाई
- छत्रपती संभाजी नगर – संजय शिरसाट
- जळगाव – गुलाबराव पाटील
- यवतमाळ – संजय राठोड
- कोल्हापूर – प्रकाश आबिटकर, सहपालकमंत्री माधुरी मिसाळ
- अकोला – आकाश फुंडकर
- भंडारा – संजय सावकारे
- बुलढाणा – मकरंद जाधव
- चंद्रपूर – अशोक ऊईके
- धाराशीव – प्रताप सरनाईक
- धुळे – जयकुमार रावल
- गोंदिया – बाबासाहेब पाटील
- हिंगोली – नरहरी झिरवळ
- लातूर – शिवेंद्रसिंग भोसले
- मुंबई शहर – एकनाथ शिंदे
- मुंबई उपनगर -आशिष शेलार/ सहपालकमंत्री मंगलप्रभात लोढा
- नांदेड – अतुल सावे
- नंदुरबार – माणिकराव कोकाटे
- नाशिक – गिरीष महाजन
- पालघर – गणेश नाईक
- परभणी – मेघना बोर्डीकर
- रायगड – अदिती तटकरे
- सिंधुदुर्ग- नितेश राणे
- रत्नागिरी – उदय सामंत
- सोलापूर – जयकुमार गोरे
- वर्धा – पंकज भोयर
- जालना – पंकजा मुंडे
