धानोरा, ता. चोपडा
सामाजिक उत्तरदायित्वाची जाण ठेवत येथील लक्ष्मीनगरचा राजा मंडळाच्या वतीने आयोजित नेत्र व बहुविध आजार तपासणी शिबिराला ग्रामस्थांचा भरघोस प्रतिसाद लाभला. धानोऱ्यात पार पडलेल्या या शिबिरात 500 हून अधिक नागरिकांनी आरोग्य तपासणी करण्यात आली.
या उपक्रमाचे उद्घाटन ग्रामपंचायत सदस्य गजानन कोळी, व्यापारी अलोक अग्रवाल यांच्या हस्ते झाले. शिबिरात कांताई नेत्रालय, जळगाव आणि धानोरा प्राथमिक आरोग्य केंद्र यांचे मोलाचे सहकार्य लाभले. शिबिरात वैद्यकीय अधिकारी डॉ. उमेश कवडीवाले, डॉ. जाकीर शेखर, चेतन वाणी, अभिमन्यू पाटील तसेच आशा वर्कर्स यांचा सक्रिय सहभाग होता. मंडळाचे अध्यक्ष प्रवीण ठाकूर, उपाध्यक्ष भूषण सपकाळे, खजिनदार कल्पेश सपकाळे, सचिव प्रशांत चौधरी, तसेच इतर कार्यकर्तेही उपस्थित होते. मंडळाचे हे पहिलेच वर्ष असूनही आरोग्य शिबिराच्या माध्यमातून समाजोपयोगी उपक्रम हाती घेतल्याने लक्ष्मीनगरचा राजा मंडळाचे सर्वत्र कौतुक होत आहे.
गणपती बाप्पाला निरोप
दरवर्षाप्रमाणे येथे श्रींना पाचव्या दिवशी मोठ्या उत्साहात भावपूर्ण निरोप देण्यात आला. गावातील सात मंडळांनी विसर्जन मिरवणुकीत सहभाग घेतला होता. ढोल-तोश्यांच्या गगरात गुलालाची उधळण करीत लाडक्या बाप्पाला निरोप देण्यात आला. यावेळी पोलीस अधीक्षक डॉ. महेश्वर रेड्डी यांनी भेट दिली. सहाय्यक पोलीस निरीक्षक प्रमोद वाघ व त्यांच्या सहकार्यांनी बंदोबस्त ठेवला होता.
