खाद्यसंस्कृती विशेष
जेव्हा जेव्हा आपण काश्मिरी पाककृतींबद्दल बोलतो, तेव्हा त्याच्या विविध मांस-आधारित पदार्थांचा नेहमीच विशेष उल्लेख केला जातो. म्हणून आपण आज अस्सल मांसाहार प्रेमींसाठी खास चमचमीत काश्मिरी मटण चॉप्सची अगदी सोपी रेसिपी पाहणार आहोत..
साहित्य:
* १० चॉप्स बेस्ट
* ६ हिरवी वेलची
* २ चमचे बडीशेप
* ५ लवंगा
* २ मध्यम दालचिनीचे तुकडे
* ४ कप दूध
* अर्धा वाटी बेसन
* पाव वाटी मिरचीपूड
* अर्धा चमचा हिंग
* १ लिंबाचा रस
* अर्धा कप तूप
कृती:
* प्रथम वेलची, लवंग, दालचिनी व बडीशेप एका कापडाच्या तुकड्यात बांधून त्याची पुरचुंडी करा.
* मोठ्या पसरट पातेल्यात चॉप्स घालून त्यात दूध, अर्धा लिटर पाणी व ही मसाल्याची पुरचुंडी घालून ४० मिनीटे मध्यम गॅसवर चॉप्स शिजेपर्यंत व पाणी आटेपर्यंत ठेवा.
* चॉप्स शिजत असतानाच बेसन व तांदळाचे पीठ, थोडे पाणी घालून भज्याच्या पिठासारखे भिजवा.
* पिठामध्ये मीठ, लाल मिरचीपूड, हिंग घालून फेटा.
* शिजलेले मटण चॉप्स खाली उतरवून जरा थंडा करा.
* कढईत तूप तापवून त्यात चॉप्स पिठात घालून हलकेच सोडा व सोनेरी रंगावर तळून घ्या.
* गरमागरम काश्मिरी मटण चॉप्स चटणी किंवा सॉससोबत सर्व्ह करा.
अपर्णा स्वप्निल कांबळे-नांगरे
पत्रकार/फुड ब्लॉगर, मुंबई
मो. ९८९२१३८१३२
