लोकशाही न्यूज नेटवर्क
महाराष्ट्राची उपराजधानी नागपूरमध्ये २ विद्यार्थ्यांचा जागीच मृत्यू झाला आहे. हे दोन्ही विद्यार्थी विधी विद्यापीठात शिक्षण घेत होते. नागपूर-वर्धा या मार्गावर अपघातात त्यांचा मृत्यू झालाय. सक्षम बनसोड आणि आर्यन सोनटक्के असे मृत विद्यार्थ्यांची नावे आहेत. या अपघातानंतर नागपूरमधील विधी क्षेत्रात हळहळ व्यक्त करण्यात येत आहेत.
नागपूरमधील वर्धा मार्गावर झालेल्या भीषण अपघातात सक्षम बनसोड आणि आर्यन सोनटक्के यांचा मृत्यू झालाय. दोघेही २० वर्षीय विद्यार्थी होते. यामधील एक न्यायाधीशांचा, दुसरा वकिलाचा मुलगा होता. या दुर्घटनेमुळे नागपूरमधील विधी क्षेत्रात हळहळ व्यक्त केली जात आहे. मिळालेल्या माहितीनुसार, सक्षम आणि आर्यन हे दोघेही डोंगरावर शिवारात जेवणासाठी गेले होते. परत येत असताना त्यांच्यावर काळाने घातला.
सक्षम आणि आर्यन डोंगरावर बुलेटने जेवण्यासाठी गेले होते. परत येत असताना खाणीचा खड्डा लक्षात न आल्याने आणि अंधार असल्यानं मदत मिळू शकले नाही. खाणीमुळे तयार झालेल्या खोल खड्ड्यात दुचाकी कोसळली अन् अपघात झाला. अधांर असल्याने रात्रभर जखमी अवस्थेत पडूनच राहिले, वेळीच मदत न मिळाल्याने दोघांचा मृत्यू झाल्याची शक्यता वर्तवण्यात येत आहे.
सकाळी मित्रांच्या शोधातून घटना उघड झाली. मजुरांना खड्यात दोघेही रक्तबंबाळ दिसले. नागपूरमधील एम्समध्ये दोघांनाही नेले असता मृत घोषित करण्यात आले. या प्रकरणी पोलिसांकडून गुन्हा दाखल करण्यात आला असून तपास करण्यात येत आहे. वसतीगृहातून रात्री बाहेर कसे गेले? नेमके कुठे गेले होते याचा तपास पोलीस करणार आहेत.
