लोकशाही न्यूज नेटवर्क
नवीन वर्षाच्या पहिल्याच दिवशी जपानमध्ये नैसर्गिक आपत्ती आली आहे. जपानजवळ समुद्रात ७.६ रिश्टर स्केलचा भूकंप झाल्यामुळे, देशाच्या पश्चिम किनारपट्टीला त्सुनामीचा इशारा देण्यात आला आहे. जपानमधील या भूकंपानंतर येथहिल दृश्य समोर आली आहे. एएनआयने दिलेल्या माहितीनुसार रिश्टर स्केलवर या भूकंपाची तीव्रता ७.६ एवढीं होती. हा अत्यंत धोकादायक प्रकारचा भूकंप समजला जातो. या तीव्रतेचा भूकंप शहरात झाल्यास, मोठ्यामोठ्या इमारती शकतात.
जपानच्या हवामान विभागाने देशाच्या पश्चिम किनारपट्टीवरील शहरांना त्सुनामीचा इशारा दिला आहे. यामध्ये इशिकावा, नीगाता आणि तोयामा या शहरांचा समावेश आहे. एकपाठोपाठ एक असे भूकंपाचे धक्के बसल्यामुळे हा इशारा देण्यात आला आहे. या त्सुनामीमध्ये पाच मीटर उंचीच्या लाटा येण्याची शक्यता आहे. वाजिमा शहराच्या किनारी भागात एक मीटर उंचीच्या लाटा येण्याची शक्यता वर्तवण्यात आली आहे.
न्यूक्लिअर पॉवर पॉईंट
जपानमधील एनएचके टीव्हीने दिलेल्या वृत्तानुसार, या भूकंपामुळे न्यूक्लिअर पॉवर प्लाँटला काही धोका निर्माण झाला आहे का?, याबाबत तपासणी सुरु आहे. हे प्लांट होकुरिकू इलेक्ट्रिक पॉवर कंपनीचे आहेत.
दरम्यान या भूकंपामुळे दक्षिण कोरियानेही आपल्या किनारी भागातील शहरांना इशारा दिला आहे. समुद्राच्या पातळीत वाढ होण्याचा धोका असल्याचं या इशाऱ्यात म्हटलं आहे.
