आव्हाणे शिवारात महसूल विभागाची कारवाई :तीन वाळूचे ट्रॅक्टर जप्त
जळगाव: गिरणा नदीपात्रातून अवैध वाळू वाहतूक करणाऱ्या ट्रॅक्टरवर महसूल विभागाने धडक कारवाई करत तीन ट्रॅक्टर जप्त केले. ही कारवाई गुरुवारी (२० मार्च) सकाळी १० वाजता करण्यात आली. या प्रकरणी जळगाव तालुका पोलीस ठाण्यात अज्ञात व्यक्तींविरोधात गुन्हा दाखल करण्यात आला आहे.
गिरणा नदीपात्रातून मोठ्या प्रमाणात अवैध वाळू उपसा आणि वाहतूक होत असल्याची गुप्त माहिती महसूल विभागाला मिळाली होती. त्यानुसार शिरसोली येथील ग्राम महसूल अधिकारी मयूर महाले यांच्या नेतृत्वाखाली महसूल पथकाने नदीपात्रात कारवाई केली. महसूल पथक पाहताच वाळू तस्करांनी पळ काढला, मात्र तीन ट्रॅक्टर घटनास्थळी सापडले. महसूल अधिकाऱ्यांच्या फिर्यादीवरून अज्ञात व्यक्तींविरुद्ध जळगाव तालुका पोलीस ठाण्यात गुन्हा दाखल करण्यात आला आहे.
या प्रकरणाचा पुढील तपास पोलीस उपनिरीक्षक अमोल पवार करीत आहेत.
