जळगाव, लोकशाही न्यूज नेटवर्क
जळगाव शहरात अपघातांचे प्रमाण वाढले असून शिव कॉलनी जवळील रेल्वे उड्डाणपुलावर अज्ञात अवजड वाहनाने दुचाकीस्वार वृद्धाला चिरडल्याची धक्कादायक घटना गुरुवारी १६ जानेवारी रोजी दुपारी १.३० वाजेच्या सुमारास घडली आहे.
मिळालेल्या माहितीनुसार, जळगाव शहरातील खोटे नगरकडून जळगाव शहरात दुचाकीस्वार वृद्ध हे त्यांची दुचाकी क्रमांक (एमएच १९ बी डब्ल्यू २७३०) ने जळगाव शहरात येत असताना शिवकॉलनी जवळील रेल्वे उड्डाणपुलावर अवजड वाहनाने त्यांच्या दुचाकीला मागून जोरदार धडक दिली. या अपघातात दुचाकीस्वार वृद्ध अवजड वाहनाच्या चाकाखाली आल्याने चिरडले गेल्याने जागीच ठार झाले.
दरम्यान सदर घटना घडल्यानंतर जिल्हापेठ पोलिसांनी घटनास्थळी धाव घेतली. मयत झालेल्या वृद्धाची ओळख अद्याप पटलेली नाही. शेवटचे वृत्त हाती आले तेव्हा मृतदेहाचा पंचनामा करून जिल्हा शासकीय वैद्यकीय महाविद्यालयात रवाना करण्याचे काम सुरू होते. या संदर्भात पोलिसात कोणतीही नोंद करण्यात आलेली नाही.