यावल : तालुक्यातील चुंचाळे येथे एका 16 वर्षीय मुलाचा गाव विहीरीत पाय घसरून तो पाण्यात बुडाला होता. ही घटना बुधवारी सांयकाळी घडली होती. रात्री उशीरा या मुलाचा मृतदेह काढून यावल ग्रामीण रुग्णालयात आणल्यानंतर डॉक्टरांनी शवविच्छेदन करून मृतदेह कुटुंबीयास सोपवला. या प्रकरणी यावल पोलिसात अकस्मात मृत्यूची नोंद करण्यात आली.
चुंचाळे, ता.यावल या गावात गाव विहिरीजवळ न्याजोद्दीन तडवी (16) हा मुलगा खेळत होता व खेळत असतांना विहिरीत पाय घसरून तो कोसळला. ही घटना बुधवारी सायंकाळी घडली. मुलगा विहिरीत कोसळल्याचे निदर्शनास आल्यानंतर शोध मोहीम सुरू करण्यात आली. विहिरीत शोध घेण्यासाठी डांभुर्णी येथील पोहणाऱ्यांना बोलवण्यात आले.
