वावडदा, लोकशाही न्यूज नेटवर्क
वावडदा, दिनांक १२/१०/२०२२ गुरुवार रोजी एल. एच. पाटील इंग्लिश मीडियम स्कूल मध्ये आरोग्य तपासणी करण्यात आली. याकरिता जळगाव येथील शासकीय रुग्णालयाचे डॉक्टर उमेश पाटील, डॉक्टर लीना बडगुजर, फार्मसीस्ट जितेंद्र देसले, एएनएम आरती पाटील यांची उपस्थिती होती. सदर आरोग्य तपासणी करिता डॉक्टरांकडून विद्यार्थ्यांसाठी वजन उंची याप्रमाणे बीएमआय काढण्यासाठी एक तक्ता पुरविला गेला होता. तो भरून डॉक्टरांनी वैयक्तिक रित्या प्रत्येक मुलाची आरोग्य तपासणी केली. यामध्ये ज्या विद्यार्थ्यांना आजाराची काही लक्षणे दिसून आल्यास त्यांची वेगळी नोंद करण्यात आली. त्याप्रमाणे औषधी देण्यात आली व पुढील तपासणीसाठी जिल्हा रुग्णालय जळगाव येथे तपासणी करिता सांगण्यात आले. सदर तपासणी मध्ये इयत्ता १ ली ते १० वी वर्गाच्या जवळपास ७५० विद्यार्थ्यांचा समावेश होता. सर्वप्रथम आलेल्या मान्यवरांचे पुष्पगुच्छ देऊन स्वागत करण्यात आले. नंतर प्रत्येक विद्यार्थ्याचे वैयक्तिक रित्या तपासणी करण्यात आली. तपासणी यशस्वीतेसाठी शाळेच्या मुख्याध्यापिका जयश्री पाटील, पूर्व प्राथमिक विभाग प्रमुख सुजिता साळुंखे यांचे मार्गदर्शन लाभले. तसेच शाळेतील शिक्षक शिक्षकेतर कर्मचारी यांनी परिश्रम घेतले.
