नवी दिल्ली, लोकशाही न्युज नेटवर्क:
खाद्यपदार्थांच्या किंमती वाढल्याने किरकोळ महागाई ऑगस्टमध्ये 7 टक्क्यांवर पोहोचली आहे. सोमवारी जाहीर झालेल्या सरकारी आकडेवारीवरून ही माहिती मिळाली आहे. एक महिन्यापूर्वी जुलैमध्ये हा दर 6.71 टक्के होता. ग्राहक किंमत निर्देशांकावर आधारित चलनवाढ सलग आठव्या महिन्यात रिझर्व्हच्या समाधानकारक पातळीच्या वरच्या मर्यादेच्या वर राहिली आहे सरकारने RBI ला किरकोळ चलनवाढ 2 टक्के ते 6 टक्क्यांच्या श्रेणीत ठेवण्याचे आदेश दिले आहेत.
आकडेवारीनुसार, खाद्यपदार्थांच्या महागाईचा दर ऑगस्टमध्ये 7.62 टक्के होता, जो जुलैमध्ये 6.69 टक्के होता, तर गेल्या वर्षी ऑगस्टमध्ये तो 3.11 टक्के होता. ऑगस्ट महिन्यापूर्वी सलग तीन महिने महागाई दरात घसरण होत होती.
गहू, तांदूळ, डाळी या जीवनावश्यक पिकांच्या किमती वाढल्याने त्याचा परिणाम महागाईवरही झाल्याचे सांगण्यात येत आहे. त्याचबरोबर अनेक ठिकाणी देशभरातील अनियमित मान्सूनचा परिणाम शेतीवरही दिसून आला आहे. देशात अनेक ठिकाणी दुष्काळसदृश परिस्थिती निर्माण झाली आहे. यामध्ये यूपी, बिहार आणि झारखंड या राज्यांचा समावेश आहे. त्याचबरोबर काही ठिकाणी अतिवृष्टी व पुरामुळे पिकांचे मोठ्या प्रमाणात नुकसान झाले आहे. त्याच वेळी, देशातील असमान पाऊस लक्षात घेता किमती वाढू नयेत म्हणून सरकारने गहू, साखर आणि तांदूळ निर्यातीवर बंदी घातली आहे.
