अरे वा.. YouTubeवरून भारतीयांनी कमाविले ६८०० कोटी रुपये

0

नवी दिल्ली, लोकशाही न्यूज नेटवर्क

युट्युबने ऑक्सफर्ड इकॉनॉमिक्स या स्वतंत्र सल्लागार कंपनीने नुकतीच एक नवीन अहवाल सादर केलाय. या अहवालानुसार युट्युबच्या निर्मात्या इकोसिस्टमने २०२० मध्ये भारतीयांनी ६८०० कोटी रुपयांचे योगदान दिले आहे. तसेच याच वर्षात युट्युबने ६ लाख ८३ हजार ९०० पूर्णवेळ नोकऱ्या दिल्या आहेत.

एपीएसीचे प्रादेशिक संचालक अजय विद्यासागर यांनी सांगितले की, देशातील अर्थव्यवस्थेमध्ये आर्थिक वाढ, रोजगार निर्मिती आणि सांस्कृतिक प्रभावावर परिणाम करणारी सॉफ्ट पॉवर म्हणून उदयास येण्याची क्षमता आहे. आमचे निर्माते आणि कलाकार जागतिक प्रेक्षकांशी जोडल्या जाणाऱ्या मीडिया कंपन्यांची पुढची पिढी तयार करत असताना,अर्थव्यवस्थेच्या एकूण यशावर त्यांचा प्रभाव वाढताच राहील.

भारतामध्ये १ लाखापेक्षा जास्त सब्स्क्रायबर असणाऱ्या युट्युब चॅनेलची संख्या ४०,००० इतकी आहे, जी वर्षभरात ४५ टक्क्यांहून अधिक वाढ दर्शवते. भारतातील युट्युब इकोसिस्टमच्या आर्थिक, सामाजिक आणि सांस्कृतिक प्रभावांना अनपॅक करणारा आणि मोजणारा हा पहिला प्रकार आहे, असे ऑक्सफर्ड इकॉनॉमिक्सचे सीईओ एड्रियन कूपर म्हणाले.

भारतात, ८० टक्क्यांपेक्षा जास्त सर्जनशील उद्योजकांनी सांगितले की त्यांच्या व्यावसायिक उद्दिष्टांवर या प्लॅटफॉर्मचा सकारात्मक परिणाम झाला आहे. सहा आकडी म्हणजे दहा लाख रुपयांपेक्षा अधिक कमाई करणाऱ्या युट्युब चॅनेल्सची संख्या दरवर्षी ६० टक्क्यांनी वाढत आहे. अहवालानुसार, युट्युब चॅनेलसह सुमारे ९२% एसएमबीने देखील सहमती दर्शवली की युट्युब त्यांना जगभरातील नवीन प्रेक्षकांपर्यंत पोहोचण्यास मदत करते.

Leave A Reply

Your email address will not be published.