शाश्वत विकासाठी प्रभाग 4 मध्ये ‘हिरकणी’ मैदानात!

जळगाव : स्थानिक स्वराज्य संस्थांच्या निवडणुकीचे बिगुल वाजले असून, प्रभाग 4 ‘अ’ मधील राजकीय वातावरण चांगलेच तापले आहे. या प्रभागातून उच्चशिक्षित, अभ्यासू आणि युवा उमेदवार हिरकणी जितेंद्र बागरे यांनी अपक्ष म्हणून शड्डू ठोकल्याने प्रस्थापित पक्षांसमोर मोठे आव्हान उभे राहिले आहे. ‘टूथब्रश’ हे निवडणूक चिन्ह घेऊन त्या आता जनसेवेसाठी सज्ज झाल्या आहेत.

भाजपकडून तिकीट नाकारले, पण जनशक्ती पाठीशी
हिरकणी बागरे या गेल्या अनेक काळापासून भाजपमध्ये सक्रिय होत्या. मात्र, ऐनवेळी पक्षाकडून त्यांचे तिकीट कापले गेल्याने समर्थकांमध्ये मोठी नाराजी पसरली होती. पक्षनिष्ठा असूनही डावलले गेल्याने, आता थेट जनतेच्या न्यायालयात जाण्याचा निर्णय घेतला आहे, असे सांगत त्यांनी अपक्ष उमेदवारी अर्ज दाखल केला. त्यांच्या या निर्णयाला प्रभागातील युवक आणि महिलांचा मोठा पाठिंबा मिळत असल्याचे चित्र आहे. हिरकणी बागरे यांनी सध्या प्रभागाचा दौरा हाती घेतला असून, त्या प्रत्येक घरात जाऊन मतदारांशी थेट संवाद साधत आहेत. फक्त मते मागण्यापेक्षा, लोकांच्या अडीअडचणी समजून घेण्यावर माझा भर आहे, असे त्या सांगतात. त्यांच्या या नम्र आणि सुसंस्कृत स्वभावामुळे प्रभागात त्यांचे ठिकठिकाणी जंगी स्वागत केले जात आहे.
केवळ आश्वासने न देता, हिरकणी बागरे यांनी प्रभागाच्या सर्वांगीण विकासाचा एक ठोस आराखडा मतदारांसमोर मांडला आहे. महिलांसाठी स्वयंरोजगार केंद्र आणि सुरक्षा यंत्रणा अधिक बळकट करणे, सुशिक्षित बेरोजगारांसाठी कौशल्य विकास केंद्र आणि अद्ययावत वाचनालयाची निर्मिती, प्रभागातील अंतर्गत रस्ते, पाण्याचा निचरा आणि स्वच्छतेचा प्रश्न कायमस्वरूपी मार्गी लावणे, प्रभागातील ज्येष्ठ नागरिक आणि मुलांसाठी सुसज्ज आरोग्य केंद्र सुरू करणे,

उच्चशिक्षित नेतृत्वाची गरज
प्रभागाला एका अभ्यासू आणि सुसंस्कृत नेतृत्वाची गरज आहे, ही भावना मतदारांमध्ये प्रबळ होत आहे. हिरकणी बागरे यांचे उच्च शिक्षण आणि प्रशासकीय कामाची जाण यामुळे त्या प्रभागाचा चेहरामोहरा बदलू शकतात, असा विश्वास त्यांचे समर्थक व्यक्त करत आहेत. येत्या निवडणुकीत ‘टूथब्रश’ या चिन्हासमोरील बटण दाबून एका सुशिक्षित उमेदवाराला विजयी करण्याचे आवाहन त्यांच्या कार्यकर्त्यांकडून केले जात आहे.