जळगाव, लोकशाही न्यूज नेटवर्क
देशांतर्गत बाजारात सोन्या आणि चांदीच्या दरांनी पुन्हा एकदा तेजीची तुतारी फुंकली आहे. गेल्या काही दिवसांपासून दोन्ही मौल्यवान धातूच्या किंमतीत सतत तेजी-मंदी पाहायला मिळत असून अमेरिकेचे नवनिर्वाचित राष्ट्राध्यक्ष डोनाल्ड ट्रम्प यांच्या टॅरिफ धोरणांमुळे महागाई वाढू शकते, ज्यामुळे व्याजदर कपातीची शक्यता आणखी कमी होऊ शकते, अशी चिंता असून यामुळे सोन्याच्या खरेदीला पुन्हा एकदा उधाण आले आहे. त्याचवेळी, आर्थिक मंदी आणि व्याजदर कपातीदरम्यान सोन्याच्या किंमती वाढतात. शुक्रवारी सराफा बाजारात सोन्या, चांदीचे भाव वाढले होते.
शुक्रवारी सकाळी सोन्याचा भाव 0.22 टक्के वाढून प्रति 10 ग्रॅम 78 हजार 272 रुपयांवर व्यवहार करत होता. वाढत्या अमेरिकन बाँड यिल्ड्स आणि मजबूत यूएस डॉलरमुळे मौल्यवान धातूच्या वाढीवर मर्यादा आली. आंतरराष्ट्रीय बाजारात सोन्याचे दर चार आठवड्यांच्या उच्चांकी पातळीवर उसळले असून नोव्हेंबरच्या मध्यापासून सोन्याच्या किंमतीत सतत वाढीचा कल पाहायला मिळत आहे. मात्र, यूएस ट्रेझरी उत्पन्न आठ महिन्यांच्या उच्चांकी पातळीवर असल्याने सोन्याच्या किमतींसाठी एक प्रमुख धोका निर्माण झाला आहे.
जागतिक बाजारातील सकारात्मक घडामोडींच्या पार्श्वभूमीवर सराफा बाजारात सोन्याची किंमत सलग तिसऱ्या सत्रात 300 रुपयांनी वाढून 80 हजार 300 रुपये प्रति 10 ग्रॅम झाली आहे. चीनची मध्यवर्ती बँक, पीपल्स बँक ऑफ चायना (पीबीओसी) ने सलग दुसऱ्या महिन्यात आपल्या साठ्यात वाढ केली. गेल्या सत्रात 99.9 टक्के शुद्धतेच्या सोन्याचा भाव 80 हजार रुपये प्रति 10 ग्रॅमवर बंद झाला होता. गुरुवारी 99.5 टक्के शुद्धतेच्या सोन्याचा भाव 300 रुपयांनी वाढून 79 हजार 900 रुपये प्रति 10 ग्रॅम तर चांदीचा भाव 500 रुपयांनी वधारला आणि 93 हजार रुपये प्रति किलो झाला, जो आधी 92 हजार 500 रुपये प्रति किलो होता.
ट्रम्पच्या टॅरिफ धोरण अन् महागाईचा फुगा
देश-विदेशातील इन्वेस्टर्स सध्या अमेरिकेतील नोकऱ्यांच्या आकडेवारीकडे लक्ष ठेवून आहेत ज्याहच परिणाम नजीकच्या फेडरल रिझर्व्हच्या दर कपातीच्या शक्यतांवर होऊ शकतो. अमेरिकेतील अलीकडचे मॅक्रो इकॉनॉमिक डेटाने अर्थव्यवस्था मजबूत असल्याचे दाखवून दिले पण नवनिर्वाचित राष्ट्राध्यक्ष डोनाल्ड ट्रम्प यांच्या टॅरिफ धोरणांमुळे महागाई वाढण्याचीच शक्यता आहे, ज्युले व्याजदर कपातीची शक्यता कमी होण्याची चिंता आहे.