दसऱ्यापूर्वी सोने-चांदीच्या दरात विक्रमी वाढ
जाणून घ्या आजचे दर …
जळगाव लोकशाही न्यूज नेटवर्क
नवरात्रोत्सव अंतिम टप्प्यात असून येत्या दोन दिवसांत दसरा सण साजरा होणार आहे. या पार्श्वभूमीवर सोने आणि चांदीच्या दरांनी पुन्हा एकदा नवा उच्चांक गाठला आहे. जळगावातील सराफा बाजारातील सूत्रांनुसार, आज सोन्याच्या दरात मोठी वाढ झाली असून चांदीने ₹१,५०,००० प्रति किलो या विक्रमी पातळीवर पोहोचली आहे.
आजच्या दरानुसार, २२ कॅरेट सोनं प्रति तोळा ₹१,०६,५०० तर २४ कॅरेट सोनं प्रति तोळा ₹१,१६,२०० इतकं झालं आहे. चांदीनेही नव्या उच्चांकाचा टप्पा गाठला आहे.
सणासुदीच्या काळात, विशेषतः दसरा, दिवाळी आणि लग्नसराईमुळे बाजारपेठेत खरेदीचं उत्साहपूर्ण वातावरण आहे. ग्राहक शुभमुहूर्तावर दागिन्यांची खरेदी करत असून, यामुळे ज्वेलर्सच्या दुकानांमध्ये ग्राहकांची गर्दी वाढली आहे.
