लोकशाही न्युज नेटवर्क
तालुक्यातील कनाशी येथील धनराज रुपला पाटील या शेतकऱ्याच्या घराचा दरवाजाचा कडी कोंडा तोडुन घरात ठेवलेले ५० हजार रुपये अज्ञात चोरटयांनी चोरुन नेल्याची घटना घडली आहे. याबाबत भडगाव पोलीस स्टेशनला धनराज रुपला पाटील या शेतकऱ्याच्या फिर्यादिवरुन अज्ञात आरोपी चोरटयाविरुद्धगुन्हा दाखल करण्यात आला आहे. ही घटना दि. २७ रोजी मध्यराञीच्या सुमारास घडलेली आहे. त्यात इतरही २ घरांवरही चोरीचा प्रयत्न झाला.
याबाबत माहिती अशी कि, कनाशी येथील धनराज रुपला पाटील या शेतकऱ्याचा घराचा पहिल्या मजल्यावरच्या मागील दरवाजाचा आतुन लावलेला कडी कोंडा तोडुन अज्ञात चोरटयाने घरात प्रवेश केला. व खुर्चीवर ठेवलेल्या पँटच्या खिशातील ३० हजार रुपये व स्टोअर रुमच्या दरवाजास लावलेले कुलुप तोडुन रुममध्ये खोक्यातील २० हजार रुपये असे एकुण ५० हजार रुपये अज्ञात चोरटयाने चोरुन नेलेले आहेत. घटना स्थळी भडगाव पोलीस स्टेशनचे पोलीस निरीक्षक अशोक उतेकर, पोलीस हेड काॅन्सटेबल जिजाबराव पवार यांनी पाहणी करुन पंचनामा केला. इतरही २ घरांवर चोरीचा प्रयत्न झाला. माञ तेथे चोरटयांचा चोरीचा डाव फसला. हाती काहीच न लागल्याने चोरटयांना खाली हात परतावे लागले. माञ या चोरी घरफोडीच्या घटनेने नागरीक भयभीत झालेले आहेत. या घटनेचा पुढील तपास पोलीस काॅन्सटेबल जिजाबराव पवार हे करीत आहेत.