जळगाव, लोकशाही न्यूज नेटवर्क
महाराष्ट्र दिनाचे औचित्य साधून महाराष्ट्र शासनाच्या सांस्कृतिक कार्य विभाग तसेच सांस्कृतिक कार्य संचालनालय, महाराष्ट्र राज्य, मुंबई यांच्या वतीने ‘गर्जा महाराष्ट्र माझा’ या विशेष सांस्कृतिक कार्यक्रमाचे आयोजन करण्यात आले आहे. राज्याच्या समृद्ध लोकपरंपरा, विविध कलाप्रकार आणि सांस्कृतिक वारशाचे जतन व संवर्धन करणे, तसेच नागरिकांमध्ये सांस्कृतिक अभिमान वृद्धिंगत करणे हा या उपक्रमाचा प्रमुख हेतू आहे.
या कार्यक्रमात ‘लोकयात्रा कलामंच’ यांचे विशेष सादरीकरण सादर होणार असून, लोककला, नृत्य आणि पारंपरिक सादरीकरणांच्या माध्यमातून महाराष्ट्राच्या सांस्कृतिक वैभवाचा रंगतदार आविष्कार अनुभवता येणार आहे. विविध लोकनृत्य आणि कलाप्रकारांच्या सादरीकरणातून प्रेक्षकांना एक वेधक आणि समृद्ध सांस्कृतिक अनुभूती मिळणार आहे.
हा कार्यक्रम शुक्रवार, दि. १ मे २०२६ रोजी सायंकाळी ६:३० वाजता कान्ह ललित कला केंद्र, नाट्य सभागृह, एम. जे. कॉलेज परिसर, एकलव्य क्रीडा संकुल, जळगाव येथे आयोजित करण्यात आलेला असून या कार्यक्रमाचा शुभारंभ पालक मंत्री नामदार गुलाबरावजी पाटील यांच्या शुभहस्ते होणार आहे या कार्यक्रमास खासदार स्मिता वाघ, आमदार राजूमामा भोळे महापौर दिपमाला काळे, जिल्हाधिकारी रोहण घुगे, मुख्य कार्यकारी अधिकारी जि.प.करिष्मा नायर अदी मान्यवर उपस्थित राहाणार आहे
सदर कार्यक्रम अॅड. आशिष शेलार, मंत्री (सांस्कृतिक कार्य व माहिती तंत्रज्ञान), महाराष्ट्र राज्य यांच्या संकल्पनेतून तसेच डॉ. किरण कुलकर्णी, सचिव, सांस्कृतिक कार्य विभाग यांच्या मार्गदर्शनाखाली आयोजित करण्यात येत असून, सांस्कृतिक कार्य संचालनालय, महाराष्ट्र राज्य, मुंबई यांच्या वतीने तो साकारला जात आहे.
हा कार्यक्रम सर्वांसाठी विनामूल्य खुला असून, जळगाव व परिसरातील नागरिक, विद्यार्थी आणि सांस्कृतिक रसिकांनी मोठ्या संख्येने उपस्थित राहून या सांस्कृतिक सोहळ्याचा आनंद घ्यावा, असे आवाहन बिभीषण चवरे, संचालक, सांस्कृतिक कार्य संचालनालय, महाराष्ट्र राज्य, मुंबई यांनी केले आहे.
