शेंदुर्णी ता. जामनेर
येथील स्व. डॉ. चारुदत्त साने यांच्या जयंतीनिमित्त रविवारी साने मल्टीस्पेशालीटी हॉस्पिटलमध्ये भव्य मोफत रोगनिदान व उपचार शिबीराचे आयोजन करण्यात आले असुन यात शेंदुर्णी डॉक्टर्स असोशियशन यांचे सहकार्य लाभणार आहे.
रविवार दि. ६ सप्टेंबर रोजी सकाळी ९ ते दुपारी १ वाजेपर्यंत आयोजित या शिबिराचे उद्घाटन राज्याचे जलसंपदामंत्री ना. गिरिष महाजन यांच्या हस्ते होणार असुन यावेळी प्रमुख अतिथी म्हणुन जामनेर नगरीच्या नगराध्यक्षा साधना महाजन, डॉ. कौमुदी साने शेंदुर्णीचे नगराध्यक्ष गोविंद अग्रवाल उपनगराध्यक्ष शरद बारी मुख्याधिकारी विवेक धांडे तसेच मान्यवर उपस्थित राहणार आहे.
या शिबिरात मधुमेह व हृदयरोग तज्ञ डॉ. कल्पक साने, अस्थिरोग तज्ञ डॉ. श्याम वर्मा, स्त्रीरोग व प्रसुती तज्ञ डॉ. मयुरी सानप, डॉ. मेधावी चौधरी, कॅन्सर तज्ञ डॉ. अंजली पाटील हे तज्ञ डॉक्टर रुग्णांची तपासणी करणार आहे. गरजु रुग्णांना मोफत औषधांचे वाटप करण्यात येणार असुन या शिबीराचा रुग्णांनी लाभ घ्यावा संपर्कासाठी मो. नं ९५२९२६२७९९ यावर तसेच साने मल्टीस्पेशालीटी हॉस्पिटल गांधी चौक शेंदुर्णी येथे संपर्क साधावा असे आवाहन डॉ. कल्पक साने यांनी केले आहे.
