लोकशाही न्यूज नेटवर्क
अन्न आणि औषध प्रशासन खात्यातील लाचखोरी प्रकरणात मुख्यमंत्री देवेंद्र फडणवीसांनी मंत्री नरहरी झिरवाळ यांना क्लीन चिट दिली आहे. लाचखोरी प्रकरणात मंत्र्यांच्या विरोधात कोणताही पुरावा नाही. पुरावे असल्यास एसीबी कारवाई करते असं देवेंद्र फडणवीस म्हणाले. आता मुख्यमंत्री देवेंद्र फडणवीस यांच्यावर नरहरी झिरवाळ यांना दिलेल्या क्लिनचीट प्रकरणावरून तीव्र टीका केली जात आहे. संजय राऊत यांनी या बाबत चांगलेच धारेवर धरले.
राऊत यांच्या मते, फडणवीस भ्रष्टाचाराच्या बाबतीत ढोंगी असून, ते मंत्र्यांवर कारवाई करून त्यांना नंतर क्लिनचीट देत त्यांच्यावर नियंत्रण ठेवतात. झिरवाळ यांना दिलेली क्लिनचीट याच धोरणाचा भाग असल्याचे राऊत यांनी म्हटले. त्यांनी मंत्रालयात मोठ्या प्रमाणात भ्रष्टाचार असल्याचेही नमूद केले.
याव्यतिरिक्त, राऊत यांनी दोन्ही सभागृहात विरोधी पक्षनेत्याच्या अनुपस्थितीवरही चिंता व्यक्त केली. त्यांनी याला लोकशाहीची विटंबना संबोधले आणि याची तुलना महाभारतातील दुर्योधनाच्या अहंकाराशी केली. अजित पवार यांचा विरोधी पक्षनेता असावा या मताला त्यांनी दुजोरा दिला. फडणवीस आणि शिंदे गट यांना विरोधी पक्षनेता नको आहे, कारण ते सरकारची लक्तरं बाहेर काढतील, असा आरोप राऊत यांनी केला. लोकशाहीत विरोधी पक्षनेतेपद अत्यंत महत्त्वाचे असून, तो न नेमणे लोकशाहीसाठी घातक असल्याचे त्यांनी सांगितले.
संजय राऊत यांनी महाराष्ट्रातील मंत्रीमंडळावर गंभीर आरोप करत म्हटले आहे की, “शंभर टक्के मंत्री भ्रष्टाचारामध्ये आकंठ बुडालेले आहेत.” त्यांनी मुख्यमंत्री देवेंद्र फडणवीस यांच्यावरही जोरदार टीका केली. फडणवीस हे मंत्र्यांना क्लीनचिट देऊन त्यांना आपल्या हाताशी ठेवतात, असा दावा राऊत यांनी केला. विशेषतः नरहरी झिरवळ प्रकरणात हीच रणनीती वापरली गेल्याचे त्यांचे म्हणणे आहे.
राऊत यांनी विधानसभेतील विरोधी पक्षनेत्याच्या नियुक्तीतील दिरंगाईवरही प्रश्नचिन्ह उपस्थित केले. ते म्हणाले की, दोन्ही सभागृहात विरोधी पक्षनेता नसणे हे लोकशाहीची विटंबना आहे, जे दुर्योधनाच्या अहंकारासारखे आहे. महाविकास आघाडीमध्ये लोकशाहीचा मान राखला जात असून, अंतर्गत चर्चांमधूनच महत्त्वाचे निर्णय घेतले जातात, असे त्यांनी स्पष्ट केले.
