लोकशाही न्यूज नेटवर्क
हिंदू धर्मात मुलांचे कान टोचणे हा एक संस्कार आहे. लहानपणीच मुलगा असो वा मुलगी, सोनाराकडून एक टोकदार सोन्याच्या तारेने कान टोचले जातात. कान टोचणे हा भारतीय संस्कारांचा महत्त्वाचा भाग आहे. मुली तर कान आणि नाक दोन्हीही टोचतात. आज काल तरुणसुध्दा फॅशनच्या नावाखाली कान टोचत आहेत. पण नेमकं कान आणि नाक का टोचले जातात बरं ? तुमच्याही मनात प्रश्न आलाच न.. चला तर मग जाणून घेऊ यामागचं कारण, होणारे फायदे, शास्त्रीय कारणे, याबाबत अध्यात्म काय सांगतं.. हे सर्व वाचून तुम्ही देखील कान आणि नाक टोचणार हे मात्र नक्की..
भारत हा एकमेव असा देश आहे जो विविधतेने नटलेला आहे. सर्व रूढी परंपरा यांचे जतन करणारा आहे. तसेच भारताच्या अनेक राज्यांमध्ये आजही कर्णवेध संस्कार होतात ज्यामध्ये बालक आणि बालिकांचे कान टोचले जातात. कान टोचणे किंवा कर्णभेद संस्कार हे हिंदू धर्मातील 16 संस्कारांपैकी एक मानले जाते. कान टोचण्याची पध्दत ही उगाच सुरु केलेली नाही. यामागे अनेक आरोग्यदायी फायदे आहेत.
मेंदूचा विकास
कानाच्या खालील भागात मेंदूशी जुळणारा एक बिंदू असतो. कान टोचल्याने मेंदूचे डावे आणि उजवे भाग सक्रीय राहण्यास मदत होत असून, लहान मेंदूचा विकास होतो. म्हणूनच लहानपणीच कान टोचण्याची परंपरा आहे.
दृष्टी सुधारते
अॅक्युपंक्चरप्रमाणे, कानाच्या खालील भागात केंद्रीय बिंदू आहे, हा बिंदू दाबल्यास दृष्टी सुधारते.
श्रवण क्षमता वाढते
कान टोचल्याने लहानपणापासून ऐकण्याची क्षमता वाढते.
एकाग्रता वाढते
कानात छिद्र केल्याने मेंदूची शक्ती वाढते आणि त्यामुळे एकाग्रता वाढते. हेच कारण आहे की मुलांचे शिक्षण सुरू होण्याआधी त्यांचे कान टोचवले जातात.
अर्धांगवायू टाळणे
वैज्ञानिक दृष्टीने कानात छिद्र केल्याने अर्धांगवायू टाळण्यात मदत मिळते.
पुरुषांना लाभ
पुरुषांच्या वीर्य संवर्धनातदेखील याने लाभ मिळतो.
ताणतणाव, भीती जाते
कान टोचल्याने मेंदूचा विकास होतो. कान टोचल्यामुळे मेंदूशी निगडीत फिट येण्यासारख्या समस्या उद्भवत नाहीत. कान टोचल्याने ताणतणाव, भीती यांसारख्या समस्यांना दूर होतात.
शरीराचे वजन नियंत्रित राहते
कानाचा विशिष्ट बिंदू ज्या ठिकाणी टोचला जातो त्याचा संबंध शरीराच्या पचनसंस्थेशी असतो, त्यामुळे पचनक्रिया व्यवस्थित राहते आणि वजन वाढण्याची शक्यता कमी असते.
मासिक पाळीच्या वेदना कमी करते
आयुर्वेदात असे सांगितले आहे की, नाक टोचताना विशिष्ट भागावर छिद्र पाडल्याने स्त्रियांना मासिक पाळीच्या वेळी वेदना कमी होतात. नाक टोचताना, स्त्रीला नाकाच्या डाव्या बाजूला छिद्र केले जाते, जिथे उपस्थित नसांचा थेट संबंध गर्भाशयाशी असतो. असे केल्याने मासिक पाळीच्या वेदना तसेच प्रसूतीदरम्यान होणाऱ्या वेदनांमध्ये आराम मिळतो.
हंगामी बदलांपासून संरक्षण प्रदान करते
महिलांचे शरीर अतिशय कोमल आणि संवेदनशील असते, त्यामुळे हवामानातील लहान बदलांचाही महिलांच्या शरीरावर परिणाम होतो. नाक टोचल्याने महिलांच्या शरीरातील रोग आणि संसर्गाशी लढण्याची ताकद वाढते आणि खोकला, कफ, सर्दी यांसारख्या आजारांशी लढण्यास मदत होते.
स्वच्छतेची काळजी घ्या
जर तुम्ही नुकतेच टोचले असेल तर संसर्ग टाळण्यासाठी, कान स्वच्छ करण्याची विशेष काळजी घ्या. त्यामुळे जुने कानातले घालण्यापूर्वी ते स्वच्छ करून घ्या. कानातले निर्जंतुक करा आणि नंतर ते घाला. कानातले आणि कानातले स्वच्छ करण्यासाठी कोमट पाणी आणि साबणाचे द्रावण वापर करा.
