जळगाव ;– शहरातील एमआयडीसी परिसरात असणाऱ्या एका केमीकल कंपनीच्या आवारातून एकाची दुचाकी अज्ञात चोरट्यांनी चोरून नेल्याची घटना समोर आली आहे. एमआयडीसी पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
याबाबत सूत्रांची दिलेली माहिती अशी की, पंकज अर्जून सोनवणे (वय-२३) रा. दिनगर नगर, आसोदा ता.जि.जळगाव हा तरूण १ जुलै रोजी दुपारी १२ वाजेच्या सुमारास एमआयडीसी परिसरातील केमीकल कंपनीत कामाला आहे. त्याठिकाणी त्याने त्यांची दुचाकी (एमएच १९ डीसी ९६४२) हा पार्किंग करून लावलेली होती. त्यावेळी अज्ञात चोरट्यांने पार्किंगला लावलेली दुचाकी चोरून नेली. तरूणाने परिसरात दुचाकीचा सर्वत्र शोध घेतला परंतू दुचाकी कुठेही मिळून आली नाही. त्याने एमआयडीसी पोलीस स्टेशनला अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ गणेश शिरसाळे करीत आहे.
