विजेच्या खांबावरुन पडल्याने झिरो वायरमनचा मृत्यू
धरणगाव : काम करतांना विजेच्या खांबावरुन पडल्याने दिलीप देवा भील (वय ३६, रा. गारखेडा, ता. धरणगाव, जि. जळगाव) या झिरो वायरमनचा दुर्देवी मृत्यू झाला. ही घटना गुरुवारी सकाळी ९ वाजेच्या सुमारास घडली. हा प्रकार सोबतच्या सहकाऱ्यांच्या लक्षात येताच, त्यांनी दीपक भिल याला जिल्हा रुग्णालयात दाखल केले. याठिकाणी उपचार सुरु असतसांना त्याचा मृतयू झाला. याप्रकरणी पोलिसात अकस्मात मृत्यूची नोंद करण्यात आली आहे.
दिलीप भिल हा गेल्या दहा वर्षांपासून धरणगाव येथील महावितरण कार्यालयात ठेकेदारी तत्वावर ‘झिरो वायरमन’ म्हणून कार्यरत होता. तो आपल्या आई-वडील, पत्नी आणि दोन मुलांसह गारखेडा गावात वास्तव्यास होता. नेहमीप्रमाणे गुरुवारी सकाळी तो महावितरणच्या कर्मचाऱ्यांसोबत
धरणगाव शहरातील लोहार गल्ली परिसरामध्ये इलेक्ट्रिक खांब्यावर काम करण्यासाठी खांबावर चढला होता. काम करतांना अचानक तोल जावून तो खाली कोसळल्याने तो गंभीर जखमी झाला. ही घटना सोबत असलेल्या सहकाऱ्यांच्या लक्षात येताच, त्यांनी जखमी अवस्थेत असलेल्या दीलीप भिल याला जिल्हा रुग्णालयात दाखल केले. याठिकाणी त्याच्यावर उपचार सुरु असतांना दुर्देवी मृत्यू झाला. याप्रकरणी धरणगाव शहर पोलीसात अकस्मात मृत्यूची नोंद करण्यात आली आहे.
