जळगाव, लोकशाही न्यूज नेटवर्क
जळगाव शहरातील एका माजी सैनिकाच्या घरात मंगळवारी रात्रीच्या सुमारास चोरटयांनी चांगलाच धुमाकूळ घातला आहे. याठिकाणाहून चोरटयांनी १ लाख ३५ हजारासारख्या मुद्देमाल लांबवला आहे. याप्रकरणी रामानंदनगर पोलीस ठाण्यात गुन्हा खाल करण्यात आला आहे.
सविस्तर माहिती अशी की, शहरातील प्रिंप्राळा परिसरात मंगलमूर्ती नगरात जगदीश काशिनाथ पाटील (वय ४३) हे माजी सैनिक आपल्या परिवारासह वास्तव्यास आहे. दिवाळीच्या निम्मिताने दि. १३ नोव्हेंबर रोजी ते परिवारासह घराला कुलूप लावून गावाला गेले होते. दरम्यान चोरटयांनी त्यांचे घर बंद असल्याची संधी साधत घराचे कुलूप तोडून, प्रवेश केला. तसेच घरात ठेवलेले सोन्याचे व चांदीचे दागिने आणि रोकड असा एकूण १ लाख ३५ हजार ५०० रुपये किमतीचा मुद्देमाल चोरटयांनी चोरून नेला आहे.
हा प्रकार मंगळवार १४ नोव्हेंबर रोजी सकाळी ८.३० वाजेच्या सुमारास उघडकीस आला आहे. त्यांनी घरात जाऊन पहिले असता, घरात सर्व सामान अस्तव्यस्त पडलेला दिसून आला आहे. त्यामुळे त्यांना आपल्या घरात चोरी झाल्याची खात्री झाली. बुधवारी जगदीश पाटील यांनी रामानंदनगर पोलीस ठाण्यात धाव घेऊन तक्रार दिली आहे. त्यानुसार अज्ञात चोरट्यांविरोधात गुन्हा दाखल करण्यात आला आहे. पुढील तपास सहायक पोलीस निरीक्षक रोहिदास गभाले करीत आहे.
