डॉ. आंबेडकर आणि गौतम बुद्धांचा पुतळा हटविणाऱ्यांना तात्काळ अटक करा – दलित पँथर

0

जळगाव , लोकशाही न्यूज नेटवर्क

जळगाव येथिल जिल्हा सामान्य रुग्णालया समोर बौद्ध वसाहत यथे गट नं.१८९ या जागेतील १९८३ मध्य उभारण्यात आलेल्या, डॉ. बाबासाहेब आंबेडकर यांचा पूर्णाकृति पुतळा व भगवान गौतम बुद्ध यांची मूर्ती बेकयदेशीरपणे प्रवेश, करून पुतळा हटविल्याप्रकरणीं आरोपींविरुद्ध गुन्हा दाखल झाला असून त्यांना तात्काळ अटक करावी अशी मागणी दलित पँथर संघटनेचे राष्ट्रीय सरचिटणीस आणि प्रवक्ता राजेश सोनावणे यांनी आज पत्रकार परिषदेत केली.
यावेळी राष्ट्रीय कार्याध्यक्ष जगदीश इंगळे, जिल्हाध्यक्ष चैतन्य नन्नवरे , भगवान गायकवाड , अर्जुन मोरे, मोहन बिऱ्हाडे , कपिल जाधव , बापू सोनवणे,, विमलताई मोरे,शेनफडू सोनवणमे, किरण गायकवाड आदी उपस्थित होते.

यावेळी राजेश सोनवणे म्हणाले कि, २६ मार्च रोजी पहाटे ६ वजेच्या सुमारस प्रशांत शरद देशपांडे व अमित एकनाथ पाटील यानी नंबर नसलेला जेसीबी घेऊन पूतले पोलिसांच्या बंदोबस्तात काढुन टाकला होता.हा प्रकार येथील नागरिकांच्या लक्षात आल्यानंतर समाजबांधवांनी पोलीस अधीक्षकांची भेट घेतली. त्यानुसार जिल्हापेठ पोलीस ठाण्यात दोघांविरुद्ध गुन्हा दाखल करण्यात आला असून त्यांना तात्काळ अटक करावी अशी मागणी केली.तसेच आरोपींची न्यायालयात अटकपूर्व जामिनासाठी अर्ज केला असल्याचे त्यांनी यावेळी सांगितले.

Leave A Reply

Your email address will not be published.