शेंदुर्णी ता जामनेर
शेंदुर्णी येथील गट नंबर,२९४/१लक्ष्मण दौलत गुजर व २९४/२ मालनबाई लक्ष्मण गुजर यांच्या मालकीच्या शेतात दि ३०/४/२०२५ वार बुधवार रोजी दुपारी विजेच्या तारेचा शॉर्ट सर्किट होऊन पाच एकरातील पिक जळून खाक झाल्याची दुर्दैवी घटना घडली. यात शेतकऱ्याचे फार मोठे नुकसान झाले आहे.
काढण्यासाठी आलेली मका आणि ज्वारी पूर्णपणे आगीमध्ये जळून खाक झालेली आहे. तसेच शेतकऱ्याने केलेल्या नवीन ठिबक तसेच पाईप हे सुद्धा जळून पूर्णपणे खाक झाले. यात शेतकऱ्याचे फार मोठे नुकसान झाले असून तलाठी योगेश ब्राह्मणे यांनी सदर घटनास्थळी जाऊन पंचनामा केला. त्यात ६० आर मका व ४० आर ज्वारी असे पिकांचे नुकसान पिकांचे झाले आहे.
झालेल्या आर्थिक नुकसानीची भरपाई मिळण्याची मागणी शेतकऱ्यानी केली असून शासनाने लवकरात लवकर याबाबत भरपाई मिळवून द्यावी अशी मागणी जोर धरत आहे.
