विवाहितेचा तीन लाखासाठी छळ; गुन्हा दाखल

0

जळगाव, लोकशाही न्यूज नेटवर्क

जळगाव शहरातील रामेश्वर कॉलनी येथील तुळजामाता परिसरात राहणाऱ्या २२ वर्षीय विवाहितेला माहेरहून ३ लाख रुपये आणावे, यासाठी शारीरिक व मानसिक छळ केल्याचा प्रकार समोर आला. याप्रकरणी एमआयडीसी पोलीस ठाण्यात पाच जणांविरोधात गुन्हा दाखल करण्यात आला आहे.

पल्लवी किरण शिंदे (वय २२, रा. रामेश्वर कॉलनी तुळजामाता नगर) यांचा विवाह १८ एप्रिल २०१९ रोजी किरण हरचंद शिंदे रा. कापुसवाडी ता. जामनेर यांच्याशी रितीरिवाजानुसार झाला. लग्नाच्या एक महिन्यानंतर पती किरण शिंदे यांनी ‘स्वयंपाक व शेती काम येत नाही असे’ असे टोमणे विवाहितेला मारणे सुरू केले. त्यानंतर ट्रॅक्टर घेण्यासाठी माहेरहून ३ लाख रुपये आणावे या मागणीसाठी सासु, सासरे, जेठ, जेठाणी यांनी शारीरिक व मानसिक त्रास देण्यास सुरुवात केली.

दरम्यान हा त्रास सहन न झाल्याने विवाहिता पल्लवी शिंदे या जळगाव येथील माहेरी निघून आल्या. एमआयडीसी पोलीस ठाण्यात २४ जानेवारी रोजी रात्री ८ वाजता धाव घेवून तक्रार दिली. विवाहितेच्या फिर्यादीवरून पती किरण हरचंद शिंदे, सासु नर्मदाबाई हरचंद शिंदे, सासरे हरचंद किसन शिंदे, जेठ प्रकाश हरचंद शिंदे आणि जेठाणी आशाबाई प्रकाश शिंदे सर्व रा. कापूसवाडी ता. जामनेर जि. जळगाव यांच्या विरोधात गुन्हा दाखल करण्यात आला आहे. पुढील तपास पोलीस हेडकॉन्स्टेबल संजय धनगर करीत आहे.

 

Leave A Reply

Your email address will not be published.