लोकशाही संपादकीय लेख
जळगाव शहराचे महापौर दीपमाला काळे यांनी जळगाव शहरात हॉकर्स मुक्त करण्याचा विडा उचलला आहे. पहिल्यांदा राष्ट्रीय महामार्गावरील अतिक्रमण काढले. त्यानंतर शहरातील फुले मार्केट या गजबजलेल्या ठिकाणी अतिक्रमण काढण्यात आले. त्यानंतर शहराच्या इतर भागातील अतिक्रमण काढण्याचा त्यांनी धडाका लावला. काल-परवा छत्रपती शिवाजी मैदाना बाहेरील जे हॉकर्स बसलेले होते त्यांना हुसकून लावण्याचा प्रयत्न महानगरपालिकेतर्फे करण्यात आला. त्यांना काढून टाकले. बिचाऱ्या होकर्सचा सर्वसामान महापालिकेने जप्त केले. ते म्हणत होते की आम्हाला सूचना देऊन जर तुम्ही कारवाई केली असती तर आम्ही आमचे सामान काढून टाकले असते. तसे न करता आमचा सामान काढून टाकला. त्यामुळे आम्ही गरीबांचे फार मोठे नुकसान होत आहे. प्रत्येक हॉकर्स आपली व्यथा मांडत होता. त्या सर्वांवर एकच उपाय आहे की, त्यासाठी हॉकर्स घेऊन तयार करायला हवा. तेथे त्यांना हलविण्यात यावे. जसे खाऊ गल्ली तयार करण्यात आली आहे. सुरुवातीला तेथे ग्राहक जातील की नाही असा संभ्रम होता. मात्र सध्याची गर्दी होते ती पाहिली की अशा प्रकारे पर्यायी व्यवस्था उपलब्ध करून दिली तर सोयीचे होईल व योग्य पर्याय देखील निर्माण होईल. याच धरतीवर होकर्स झोनची जागा पाहून त्यांना ती जागा देण्यात यावी. यातून हॉकर्ससाठींचा प्रश्न सुटेल. त्यांच्या पोटावर पाय देण्याचा प्रश्न येत नाही..!
