शेंदुर्णी ता. जामनेर
महाराष्ट्र दिनी, दि. १ मे २०२६ रोजी सकाळी सुमारे ८ वाजता शेंदुर्णी येथील कुरेशी वाड्यात कत्तलीसाठी जनावरे आणून गोवंश मांस विक्री सुरू असल्याची माहिती पोलिसांना मिळाली. या माहितीच्या आधारे पहूर पोलीस ठाण्याच्या पथकाने तात्काळ धडक कारवाई करत छापा टाकला. या कारवाईदरम्यान पोलिसांनी कत्तलीसाठी आणलेली सुमारे १० जनावरे जप्त केली असून मांस विक्री करणाऱ्या ३ आरोपींना ताब्यात घेतले आहे.
ही कारवाई पहूर पोलीस ठाण्याचे प्रभारी सहाय्यक पोलीस निरीक्षक प्रमोद कठोरे आणि पोलीस उपनिरीक्षक नंदकुमार शिंब्रे यांच्या नेतृत्वाखाली करण्यात आली. त्यांच्या सोबत पोलीस उपनिरीक्षक भरत दाते, गणेश सुस्ते, सहायक फौजदार राजेंद्र परदेशी तसेच पोलीस कर्मचारी दीपक सुरवाडे, योगेश सुतार, विलास चव्हाण, मनोज बाविस्कर, उद्दल चव्हाण, सुभाष पाटील, ज्ञानेश्वर ढाकरे, नरेश घाडगे, प्रशांत बडगुजर, राहुल पाटील, राहुल जोहरे, जीवन चव्हाण, गजानन पाटील, संदीप धनगर, महिला पोलीस शिपाई राजश्री मोर्य आणि मनिषा चौधरी यांनी सहभाग घेतला.
या प्रकरणी पहूर पोलीस ठाण्यात गुन्हा क्रमांक ११६/२०२६ नोंदविण्यात आला असून भारतीय न्याय संहिता कलम ३२५ तसेच महाराष्ट्र प्राणी संरक्षण अधिनियम कलम ३(क), ९(अ) अंतर्गत गुन्हा दाखल करण्यात आला आहे.
ताब्यात घेण्यात आलेल्या आरोपींमध्ये १) शेख जमीन शेख लतीफ (वय ४८, रा. शेंदुर्णी) २) सलमान शेख शेख शिकलकर (वय २०, रा. सोयगाव, जि. छत्रपती संभाजीनगर) ३) कुरेशी अफताफ अब्दुल रफिक ऊर्फ अल्ताफ शेख (वय २५, रा. शेंदुर्णी, ता. जामनेर, जि. जळगाव) यांचा समावेश आहे. या तिन्ही आरोपींना न्यायालयाने दि. ४ मेपर्यंत पोलीस कोठडी सुनावली असून इतर संबंधित आरोपींचा शोध पोलीस घेत आहेत. सदर गुन्ह्याचा तपास पोलीस उपनिरीक्षक नंदकुमार शिंब्रे करीत आहेत. ही कारवाई पोलीस अधीक्षक श्रीकांत ढीवरे, अपर पोलीस अधीक्षक (चाळीसगाव) कविता नेरकर आणि उपविभागीय पोलीस अधिकारी बापू रोहम यांच्या मार्गदर्शनाखाली पार पडली.
