नवी दिल्ली, लोकशाही न्यूज नेटवर्क
गेल्या काही महिन्यांपासून मंदावलेला कोरोनाचा आलेख आता दिवसेंदिवस वाढताना दिसतोय. देशात गेल्या तीन दिवसांपासून तीन हजारांहून अधिक कोरोनाबाधित रुग्ण आढळल्याने चिंता व्यक्त केली जात आहे.
गेल्या २४ तासांत ३,६८८ नवे रुग्ण आढळून आले. तर ५० जणांचा मृत्यू झाला आहे. दिवसभरात २,७५५ रुग्णांनी कोरोनावर मात केली आहे. सध्या देशात १८,६८४ ॲक्टिव्ह रुग्ण आहेत. देशात आतापर्यंत ५ लाख २३ हजार ८०३ जणांचा कोरोनाने बळी घेतला आहे.
COVID19 | 3,688 new cases in India today; Active caseload rises to 18,684 pic.twitter.com/9NB1foJONC
— ANI (@ANI) April 30, 2022
याआधी गुरूवारी दिवसभरात ३ हजार ३७७ कोरोनाबाधित आढळले होते. तर, ६० रुग्णांचा कोरोनाने बळी घेतला होता. दरम्यान, २ हजार ४९६ रुग्णांनी कोरोनावर मात मिळवली होती. शुक्रवारी देशाचा कोरोनामुक्तीदर ९८.७४ टक्के आणि दैनंदिन कोरोनासंसर्गदर ०.७१ टक्के नोंदवण्यात आला होता.
देशात कोरोनाविरोधात सुरू करण्यात आलेल्या लसीकरण अभियानातून आतापर्यंत १८८ कोटी ८९ लाख ९० हजार ९३५ डोस देण्यात आले आहेत. यातील २.८२ कोटी डोस १२ ते १४ वयोगटातील बालकांना देण्यात आले आहेत. तर, खबरदारी म्हणून आतापर्यंत २ कोटी ७७ लाख ४२ हजार ६९५ बूस्टर डोस देण्यात आले आहेत.
केंद्र सरकारकडून पुरवण्यात आलेल्या १९३ कोटी २८ लाख ९० हजार ९६५ डोस पैकी १९ कोटी ५८ लाख ७४ हजार २९० डोस अद्यापही राज्य आणि केंद्रशासित प्रदेशांकडे शिल्लक आहेत.भारतात आतापर्यंत ८३ कोटी ६९ लाख ४५ हजार ३८३ कोरोना तपासण्या करण्यात आल्या आहेत. यातील ४ लाख ७३ हजार ६३५ तपासण्या गुरूवारी दिवसभरात करण्यात आल्याची माहिती आयसीमएआरकडून देण्यात आली आहे.
दरम्यान मुंबईत काल शुक्रवारी (दि.२९) कोरोनाचे नवे ९३ रुग्ण आढळून आले. तर ६८ रुग्ण कोरोनातून बरे झाले. सध्या मुंबईतील सक्रिय रुग्णसंख्या ५८७ वर पोहोचली आहे. इथला कोरोनावाढीचा दर (२२ एप्रिल-२८ एप्रिल ) ०.००७ टक्के असल्याची माहिती मुंबई महानगरपालिकेने दिली आहे.
#CoronavirusUpdates
२९ एप्रिल, संध्या. ६:०० वाजता२४ तासात बाधित रुग्णौ- ९३
२४ तासात बरे झालेले रुग्ण-६८
बरे झालेले एकूण – १०३९५७९
बरे झालेल्या रुग्णांचा दर-९८%एकूण सक्रिय रुग्ण-५८७
दुप्पटीचा दर-९१५३ दिवस
कोविड वाढीचा दर (२२ एप्रिल-२८ एप्रिल )-०.००७%#NaToCorona— माझी Mumbai, आपली BMC (@mybmc) April 29, 2022
तर दिल्लीत कोरोना (COVID19) रुग्णसंख्येत वाढ झाली आहे. काल (दि.२९) एका दिवसात दिल्लीत कोरोनाचे १,६०७ नवे रुग्ण आढळून आले होते. यामुळे येथील ॲक्टिव्ह रुग्णसंख्या ५,६०९ वर पोहोचली आहे. तर पॉझिटिव्हिटी रेट ५.२८ टक्क्यांवर गेला आहे.