जळगाव ;- अज्ञात चोरट्याने दोन मोबाईल आणि पाच हजार रुपयांची रोकड असा एकूण ३० हजार रुपये किमतीचा मुद्देमाल शहरातील गेंदालाल मिल परिसरात राहणाऱ्या तरुणाच्या घरातून चोरून नेल्याचे समोर आले आहे. याबाबत गुरुवार ३ ऑगस्ट रोजी दुपारी ४ वाजता जळगाव शहर पोलीस ठाण्यात गुन्हा दाखल करण्यात आला आहे.
याबाबत माहिती अशी कि, हात मजुरीचे काम करून शेख अनवर शेख सईद (वय-२४) रा.गेंदालाल मिल, जळगाव हा तरूण आपल्या परिवारासह राहत असून आपला उदरनिर्वाह करतो. ३ ऑगस्ट रोजी रात्री बारा ते पहाटे सहा वाजेच्या दरम्यान त्याच्या घरातून अज्ञात चोरट्याने ५ हजार रुपयांची रोकड आणि दोन मोबाईल असा एकूण ३० हजार रूपये किंमतीचा मुद्देमाल चोरून नेला. हा प्रकार उघडकीला आल्यानंतर शेख अनवर याने परिसरात शोध घेतला, परंतु काहीही माहिती मिळाली नाही. गुरुवार ३ ऑगस्ट रोजी दुपारी ४ वाजता जळगाव शहर पोलीस ठाण्यात धाव घेऊन तक्रार दिली. त्यानुसार अज्ञात चोरट्यांविरोधात जळगाव शहर पोलीस ठाण्यात गुन्हा दाखल करण्यात आला आहे. या घटनेबाबत पुढील तपास पोहेकॉ भास्कर ठाकरे करीत आहे.
