नवी दिल्ली, लोकशाही न्यूज नेटवर्क:
मध्य प्रदेशातील कुनो नॅशनल पार्कमध्ये चित्त्याचा (साशा) मृत्यू झाल्याची बातमी येत आहे. सूत्रांनी दिलेल्या माहितीनुसार, ज्या चित्त्याचा मृत्यू झाला आहे, तो गेल्या वर्षी नामिबियातून आणलेल्या आठ चित्त्यांपैकी एक आहे. आणि पंतप्रधान मोदींनी या चित्त्यांना कुनो नॅशनल पार्कमध्ये सोडले होते. सूत्रांकडून मिळालेल्या माहितीनुसार, साशा अनेक दिवसांपासून आजारी होती. आणि याच आजारामुळे सोमवारी त्यांचा मृत्यू झाला.
साशाला काही महिन्यांपूर्वीच उलट्या होताना दिसल्या होत्या. तेव्हापासून त्याची देखभाल केली जात होती. उपचारादरम्यान साशाची किडनी नीट काम करत नसल्याचे डॉक्टरांना समजले.
साशाची तब्येत पाहून डॉक्टरांच्या एका विशेष टीमला पाचारण करण्यात आले, जे साशाच्या तब्येतीवर सतत लक्ष ठेवून होते. या प्रकरणी नामिबिया आणि दक्षिण आफ्रिकेतील तज्ज्ञांशीही चर्चा झाली.
मात्र, अद्याप साशाच्या मृत्यूला अधिकृत दुजोरा मिळालेला नाही. कुनो नॅशनल पार्कचे अधिकारी त्याच्या मृत्यूबाबत लवकरच निवेदन देतील अशी अपेक्षा आहे.