लोकमान्य विद्यालय; भद्रावती पोलिसांच्या संयुक्त उपक्रमात देशभक्तीचा जयघोष..!
चंद्रपूर, लोकशाही न्यूज नेटवर्क
भद्रावती येथील लोकमान्य विद्यालय आणि भद्रावती पोलिस स्टेशन यांच्या संयुक्त विद्यमाने १५० वर्षे पूर्ण झालेल्या राष्ट्रगीत ‘वंदे मातरम’ च्या उत्सवानिमित्त विद्यार्थ्यांकडून सामूहिक वंदे मातरम गायनाचे भव्य आयोजन करण्यात आले. या उपक्रमाचा उद्देश स्वातंत्र्यलढ्याला प्रेरणा देणाऱ्या या ऐतिहासिक गीतामुळे विद्यार्थ्यांमध्ये देशभक्तीची भावना वाढवणे हा होता.
हा उपक्रमचा प्रारंभ लोकमान्य विद्यालयाच्या सभागृहात करण्यात आला, जिथे विद्यार्थ्यांनी मनोभावे वंदे मातरम गायन केले.
या उपक्रमाचे सूत्रसंचालन प्राध्यापक किशोर किरमिरे यांनी केले.
यावेळी लोकसेवा मंडळाचे अध्यक्ष चंद्रकांतजी गुंडावार हे अध्यक्ष म्हणून उपस्थित होते. तसेच प्राचार्य रूपचंद धारणे, शिक्षक सचिन सरपटवार, अमित गुंडावार, पोलिस स्टेशन भद्रावतीचे एपीआय वीरेंद्र केदार, पीसी किरण चांदणे, पीसी भूषण चौधरी, डब्ल्यूएचसी सुकेशनी चालखुरे, डब्ल्यूपीसी पूजा पंधरे आणि संपूर्ण शिक्षकवर्ग उपस्थित होता.
या प्रसंगी एपीआय वीरेंद्र केदार यांनी विद्यार्थ्यांना सायबर क्राईम व मोबाईल फोनच्या योग्य वापराबाबत मार्गदर्शन केले, जे सध्याच्या डिजिटल युगात अत्यंत आवश्यक होत आहे.
यानंतर, लोकसेवा मंडळाचे अध्यक्ष तथा समाजसेवक चंद्रकांत गुंडावार यांनी “संघ” विचार, राष्ट्रभक्ती आणि ‘वंदे मातरम’ या गीताच्या महत्त्वावर विद्यार्थ्यांशी संवाद साधला. त्यांनी राष्ट्रबांधवतेची शपथ घेणारे वंदे मातरम हे गीत केवळ सांगीतिक कृति नव्हे तर स्वातंत्र्यलढ्याचा प्रेरणास्त्रोत असल्याचे स्पष्ट केले.
या अनुषंगाने विद्यार्थ्यांमध्ये स्वाभिमान आणि देशभक्तीची जाणीव अधिक दृढ करण्याचा कार्यक्रम यशस्वी झाला. आभारप्रदर्शन करत कार्यक्रमाची सांगता करण्यात आली.
