चंद्रपूर, लोकशाही न्यूज नेटवर्क
चंद्रपूर शहर पोलिस येथील गुन्हे शोध पथकातील अधिकारीसह अंमलदार शहर पोलिस स्टेशन हद्दीत पेट्रोलिंग करीत होते. गुप्तबातमीदाराचा खबरेनुसार बाबुपेठ वॉर्ड येथील एक ईसम आपल्या स्विफ्ट डिझायर कार अवैध तंबाखूजन्य, हुक्का शिशाची वाहतूक करीत असल्याची माहीती मिळाल्यावरून क्षणाचा विलंब न करता गुन्हे शोध पथकातील अधिकारी, पोलीस स्टाफ सह अन्न सुरक्षा विभागातील अधिकारी व कर्मचारी तसेच पंच यांनी घटनास्थळावर नाकेबंदी केली.
या दरम्यान स्विफ्ट डिझायरची तपासणी केली असता अवैध हुक्का शिशा, अवैध तंबाखूजन्य पदार्थ, स्विफ्ट डिझायर गाडीसह असा एकूण ४ लाख ४७ हजार मुद्देमाल मंगेश गणपती मादासवार (वय ३०, रा.चिंतलधाबा ता. पोंभुर्णा जि. चंद्रपुर) या ईसम कडून ताब्यात घेवुन चंद्रपूर शहर पोलिस स्टेशन येथील आरोपींविरुद्ध अप. क्र.९९१/२०२४ कलम ३० (२)(अ) २६ (२) २६ (२) ५९ अन्न व सुरक्षा मानके अधि. २००६ तसेच भा.न्या. संहिता सन २०२३ अन्वये २२३, २७४, २७५, १२३, कलमान्वये गुन्हा नोंद करण्यात आल्याची माहीती पोलिस सूत्रांनी दिली.
सदर कारवाई पोलिस अधीक्षक मुमक्का सुदर्शन, अप्पर पोलिस अधीक्षक रिना जनबंधू, उपविभागीय पोलिस अधीकारी सुधाकर यादव, यांचा मार्गदर्शनात पोलिस निरीक्षक प्रभावती ऐकलकुरे यांचा नेतृत्वात कपुरचंद खरबार, रुपेश पराते शाहाबाज सय्यद, विक्रम मेश्राम, राजेश चिताडे, ईम्रान खान, दिलीप कुसराम, रूपेश रणदिवे, इरशाद शेख, सारीका गौरकार, दिपीका झिंगरे यांनी केली.
