खाद्यसंस्कृती विशेष
कोफ्ता अनेक प्रकारचा बनवला जातो. आज आपण चणाडाळीचे कोफ्ते करी कसे बनवायचे ते पाहणार आहोत.
साहित्य
* २५० ग्रॅम चणाडाळ
* २ इंच आले
* ४-५ हिरव्या मिरच्या
* मीठ
* २ कांदे
* ६-७ लसूण पाकळ्या
* अर्धा चमचा जिरे
* ३ वेलदोडे, २ लवंगातमालपत्र
* १ वाटी दही, १ चमचा साखरअर्धा चमचा तिखट
* अर्धा चमचा धनेपूड
* पाव चमचा हळद
* अर्धा चमचा गरम मसाला
* २ मोठे चमचे चिरलेली कोथिंबीर
* तेल
कृती
* डाळ दोन तास भिजत टाकावी. चाळणीत निथळावी. आले, मिरच्या व मीठ एकत्र भरडसर वाटावी. तेलाच्या हाताने या मिश्रणाचे लहान लाडू वळावेत व तेलात हे कोफ्ते तळून कागदावर निथळावेत.
* कांदे बारीक चिरावेत. आले-मिरच्या-लसूण व कांदे एकत्र वाटावेत. एका जड बुडाच्या पातेल्यात कढईतल्या उरलेल्या तेलातले थोडे तेल (सुमारे ४ ते ६ चमचे) घालावे.
* तेल तापले की जिरे, लवंगा, तमालपत्र, वेलदोडे घालावे. बदामी रंगावर आले की त्यात वाटलेला मसाला घालावा व परतावे.
* धनेपूड, तिखट, हळद एकत्र करून घुसळलेल्या दह्यात घालावी. नीट मिसळून दही व साखर मसाल्यावर ओतावी. तीन वाट्या पाणी घालून रस मंद उकळू द्यावा.
* ३-४ मिनिटे उकळल्यानंतर कोफ्ते घालावेत व पाच मिनिटे उकळू द्यावे. आंच अगदी कमी ठेवावी. वरून गरम मसाला व कोथिंबीर घालावी. चमचाभर अमूल किंवा साधे लोणी गरम करीवर घालावे.
पत्रकार/फुड ब्लॉगर, मुंबई
मो. ९८९२१३८१३२
