national comedy theatre coupon promo code cinemanow gift card canada besjes meidoorn giftig die 3 giftigsten spinnen der welt
Saturday, December 3, 2022

गर्भाशयाच्या कर्करोगावर पहिली स्वदेशी लस भारतात लाँच

- Advertisement -

पुणे, लोकशाही न्यूज नेटवर्क 

- Advertisement -

महिलांना खूप मोठा दिलासा देणारी बातमी आहे. गर्भाशयाच्या कर्करोगाची लस (Cervical Cancer Vaccine) येत्या काही महिन्यांत उपलब्ध होणार आहे. एएनआय या वृत्तसंस्थेनुसार, सीरम इन्स्टिट्यूट ऑफ इंडियाचे (Serum Institute of India) सीईओ आदर पूनावाला (Adar Poonawalla) यांनी गुरुवारी माहिती दिली की पुढील काही महिन्यांत गर्भाशयाच्या कर्करोगाची लस उपलब्ध होईल. आणि ही लस आधी देशात दिली जाईल आणि नंतर ती जगाला दिली जाईल.

- Advertisement -

वैद्यकीय शास्त्रासाठी मोठे यश 

- Advertisement -

गर्भाशयाच्या मुखाच्या कर्करोगासाठी लस विकसित करणे हे एक मोठे यश आहे. आजचा दिवस वैद्यकीय शास्त्रासाठी मोठा मानला जातो. आदर पूनावाला म्हणाले की, भारतात गर्भाशयाच्या कर्करोगाच्या लसीची किंमत 200 ते 400 रुपयांच्या दरम्यान असू शकते. मात्र, दर अद्याप ठरलेले नसल्याचेही त्यांनी स्पष्टपणे सांगितले.

20 कोटी डोस तयार करणार 

सीरम इन्स्टिट्यूटचे सीईओ आदर पूनावाला म्हणाले की, येत्या दोन वर्षांत 20 कोटी डोस तयार करण्याची तयारी सुरू आहे. गर्भाशयाच्या कर्करोगासाठी ‘मेड इन इंडिया’ लसीबद्दल तज्ञांमध्ये खूप उत्साह आहे.

पहिली स्वदेशी लस

विशेष म्हणजे, देशात गर्भाशयाच्या कर्करोगाविरुद्धची लढाई आता सोपी होणार आहे. गर्भाशयाच्या कर्करोगाविरुद्ध लढण्यासाठी भारताला पहिली स्वदेशी लस मिळाली आहे. ही लस सीरम इन्स्टिट्यूट ऑफ इंडिया (SII) ने बनवली आहे.

गर्भाशयाचा कर्करोग हा एक प्रकारचा कर्करोग आहे, जो ग्रीवाच्या पेशींमध्ये होतो. ह्युमन पॅपिलोमा व्हायरस (HPV) जो लैंगिक संक्रमित संसर्ग आहे. गर्भाशयाचा कर्करोग होण्यासाठी हा विषाणू सर्वाधिक जबाबदार असतो. असे सांगितले जात आहे की ही लस प्रथम 9 ते 14 वयोगटातील मुलींना दिली जाऊ शकते.

भारतात गर्भाशयाच्या मुखाच्या कर्करोगाचे प्रमाण वाढले आहे. एका अहवालानुसार, 15 ते 44 वयोगटातील महिलांमध्ये हा दुसरा सर्वात सामान्य कर्करोग आहे. गर्भाशयाच्या मुखाचा कर्करोग रोखण्यासाठी लसीकरण मोठ्या प्रमाणात उपयुक्त असल्याचे सांगितले जाते. केंद्र सरकारच्या राष्ट्रीय लसीकरण मोहिमेत या लसीचा समावेश केल्यास महिलांमधील गर्भाशयाच्या कर्करोगाची समस्या कमी करण्याच्या दिशेने एक ठोस पाऊल ठरू शकते.

 

- Advertisement -
spot_imgspot_img

LEAVE A REPLY

Please enter your comment!
Please enter your name here

हे वाचायलाच हवे

संबंधित बातम्या