पारोळा
पारोळा शहरातील राष्ट्रीय महामार्ग ५३ वर मालवाहू वाहनाने दुचाकीला जबर धडक दिल्याने पारोळा कृषी उत्पन्न बाजार समितीच्या कर्मचारी देविदास प्रल्हाद नाईक ५३ यांचा मृत्यू झाल्याची घटना घडली.
याबाबत माहिती दिली अशी की बुधवार दिनांक ६ रोजी सायंकाळी ५ वाजेच्या सुमारास पारोळा कृषी उत्पन्न बाजार समितीचे कर्मचारी देविदास प्रल्हाद नाईक (वय ५३) रा.गोपाल नगर पारोळा हे दिनांक ६ रोजी होंडा कंपनीची शाईन मोटरसायकल क्रमांक एम एच १९ इ जे ५७४४ हिच्याने साई ट्रॅक्टर समोर पारोळा शहरातून जाणारा महामार्ग धुळे ते जळगाव रोडने धुळे कडून पारोळा शहरात येत असताना समोरून येणारी अशोक लिलँड कंपनीची मालवाहू गाडी क्रमांक एमएच १९ सी वाय ३२८९ ही पारोळा शहरातून धुळे कडे जात असताना तिच्यावरील चालकाने जबर धडक दिली.
यावेळी झालेल्या अपघातात देविदास नाईक यांच्या डोक्याला गंभीर दुखापत झाली. त्यांना पारोळा कुटीर रुग्णालय येथे दाखल केले असता, डॉक्टरांनी त्यांना तपासणी करून डोक्याला गंभीर दुखापत झाल्याने ते मयत झाल्याचे जाहीर केले. याबाबत नंदू जाधव यांनी फिर्याद दिल्यावरून मालवाहू चालक राजेंद्र बाबुराव शिंदे रा. आसोदा ता. जि. जळगाव यांच्या विरुद्ध पारोळा पोलिसात गुन्हा दाखल करण्यात आला आहे. पुढील तपास पारोळा पोलीस करीत आहे.
देविदास प्रल्हाद नाईक हे पारोळा येथील कृषी उत्पन्न बाजार समिती पारोळा येथे क्लार्क म्हणून कार्यरत होते. त्यांच्या पश्चात पत्नी, एक मुलगा एक मुलगी आहे. त्यांच्यावर मूळ गावी मालखेडा ता. जामनेर येथे अंत्यसंस्कार होणार असल्याची माहिती नातेवाईकांनी दिली.
