मायावतींची मोठी घोषणा : आकाश आनंद बहुजन समाज पक्षाचे उत्तराधिकारी म्हणून घोषित

लखनौ ;– मायावती यांनी रविवारी उत्तर प्रदेश आणि उत्तराखंड वगळता बहुजन समाज पक्षात आपला उत्तराधिकारी म्हणून आपला पुतण्या आकाश आनंदचे नाव दिले. मायावती उत्तर प्रदेश आणि उत्तराखंडवर लक्ष ठेवणार आहेत. बसपा प्रमुख मायावती यांनी आकाश आनंद (मायावतींचा पुतण्या) यांना त्यांचा उत्तराधिकारी म्हणून घोषित केले आहे.. पक्षाचे नेते उदयवीर सिंग यांनी एएनआय या वृत्तसंस्थेला सांगितले.. मायावती यांनी रविवारी लखनौ येथील पक्षाच्या प्रदेश कार्यालयात पक्ष कार्यकर्त्यांच्या बैठकीचे अध्यक्षस्थान केल्यावर ही घोषणा झाली. शनिवारी अधिकृत विधानानुसार, पक्ष मध्य प्रदेश, राजस्थान आणि छत्तीसगडसह तीन राज्यांमध्ये नुकत्याच पार पडलेल्या विधानसभा निवडणुकीतील कामगिरीचे विश्लेषण करेल.
मायावती यांचा लहान भाऊ आनंद कुमार यांचा आकाश हा मुलगा आहे. सप्टेंबर २०१७ साली मायावती यांनी दोघांनाही पक्षात आणून त्यांची ओळख करून दिली होती.

राजस्थानमधील पक्ष संघटनेत गेल्या काही काळापासून आकाश आनंद लक्ष घालत आहेत. पक्ष संघटनेची ताकद आणि पक्षाचा विस्तार चाचपडण्याचा प्रयत्न आनंद यांनी केला होता. डॉ. बाबासाहेब आंबेडकर यांच्या जयंतीनिमित्त (१४ एप्रिल) त्यांनी अलवर (राजस्थान) येथे १३ किमी लांबीची पदयात्रादेखील काढली होती. तेव्हापासून आनंद मायावती यांचे राजकीय वारसदार असतील, असे बोलले जात होते. आकाश यांना बसपाचे राष्ट्रीय समन्वयक पद अधिकृतरित्या देण्यात आले आहे. दरम्यान, 2024 च्या लोकसभा विधानसभा निवडणुकीसाठी उमेदवार निवडण्याबाबत चर्चा करण्यात आली