भुसावळचे माजी आमदार निळकंठ फालक यांचे निधन
भुसावळ शहरात शोककळा
भुसावळ प्रतिनिधी – ताप्ती एज्युकेशन सोसायटीचे माजी चेअरमन तसेच भुसावळ शहराचे माजी आमदार निळकंठ चिंतामण फालक यांचे वृद्धापकाळाने दुःखद निधन झाले. त्यांच्या निधनाने सत्यनिष्ठ, कर्तव्यदक्ष आणि समाजसेवेला वाहून घेतलेले एक आदर्श लोकप्रतिनिधी हरपल्याची भावना भुसावळकर व्यक्त करीत आहेत.
शैक्षणिक, सामाजिक व राजकीय क्षेत्रात त्यांनी दिलेले योगदान उल्लेखनीय असून ताप्ती एज्युकेशन सोसायटीच्या माध्यमातून अनेक विद्यार्थ्यांचे भविष्य घडविण्यात त्यांचा मोलाचा वाटा राहिला. साधी जीवनशैली, स्पष्ट विचारसरणी आणि सर्वसामान्यांशी असलेली नाळ हीच त्यांच्या कार्याची ओळख होती.
त्यांच्या निधनाबद्दल संपूर्ण महाविद्यालय, पदाधिकारी, कार्यकर्ते व चाहत्यांसह कॉलेजचे व्यवस्थापन मंडळ, वरिष्ठ व कनिष्ठ महाविद्यालयातील प्राध्यापक बंधू-भगिनी, शिक्षक व शिक्षकेतर कर्मचारी यांच्या वतीने भावपूर्ण श्रद्धांजली अर्पण करण्यात आली आहे.

