औकीतत राहा बेट्या हो… : जरांगेंना भुजबळांचा इशारा

“ते माकडं म्हणतंय भुजबळांना जमानतीवर सोडलं” : काय बोलावं त्याला कळत नाही

0

जालना

औकीतत राहा बेट्या हो… आम्ही शांत बसलो म्हणजे गरीब आहोत. आम्ही जनावरं नाही. कुठेही न्यावं. ते माकडं म्हणतंय भुजबळांना जमानतीवर सोडलं. अरे काय बोलतो त्याला कळत नाही. काय बोलावं कुठं बोलावं कळत नाही. मी त्याला बोलण्याऐवजी हाकेंसोबत त्याने चर्चा करावी मग आमच्याकडे यावं, असं छगन भुजबळ म्हणाले. जालना जिल्ह्यातील वडी गोद्री या ठिकाणी ओबीसी आंदोलक लक्ष्मण हाके आणि नवनाथ वाघमारे हे उपोषण करत आहेत. या ठिकाणी सरकारचं शिष्टमंडळ पोहोचलेलं आहे. या ठिकाणी बोलताना छगन भुजबळ यांनी मनोज जरांगे यांना इशारा दिला आहे.

 

काही लोक ओबीसीत जातात फायदा घेतात. नंतर आर्थिक मागास दाखवतात आणि त्याचं प्रमाणपत्र दाखवून लाभ घेतात. नंतर एसीबीसीचंही आरक्षण घेत आहे. एकच माणूस तीन तीन ठिकाणी आरक्षण मागत आहे. त्याला आधार कार्डची जोड द्या. म्हणजे एका व्यक्तीला एकाच कॅटेगिरीतून आरक्षण मिळेल. ही काही खिरापत नाही. या पंगतीतून उठ, त्या पंगतीत जा. त्या पंगतीतून या पंगतीत या असं चालणार नाही. हे खपवून घेणार नाही… कुछ लोग अपनी औकात भूल गये, अपनी याद उन्हे दिलानी होगी… खरे दाखले असतील तर हरकत नाही. पण खोटे असेल तर कारवाई करण्याचे मुख्यमंत्र्यांनी सांगितलं. ते दाखले तपासले जाणार आहेत. अनेक दाखल्यांवर खाडाखोड झालीय, असं छगन भुजबळ म्हणाले.

 

आम्ही सर्व पक्षाच्या लोकांना अधिवेशन काळात एकत्र बोलावणार, असं मुख्यमंत्री म्हणाले. हाके आणि नवनाथ वाघमारे यांना बोलावणार आणि सर्वांच्या समोर आम्ही पुरावे मांडणार. काही राजकारणी फार हुशार आहेत. ते इकडे डमरू वाजवतील. तिकडेही वाजवतील. आमच्या एका सहकाऱ्याने सांगितलं सगेसोयरे कोर्टात टिकणारच नाही. गिरीश महाजन यांनी सांगितलं. ओबीसींच्या लढ्यात असे आपले सहकारी हात बळकट करण्यासाठी सज्ज झाले आहे. आता घाबरायचं नाही. मागे राहायचं नाही, असंही छगन भुजबळ यावेळी म्हणाले.

Leave A Reply

Your email address will not be published.